आजी, माजी सैनिकांच्या अडचणी सोडविण्यासाठी १९ जुलै रोजी बैठकीचे आयोजन

अहमदनगर : आजी, माजी सैनिकांचे विविध प्रश्न व अडचणी सोडविण्यासाठी तहसील कार्यालय, पाथर्डी येथे तहसीलदारांच्या अध्यक्षतेखाली १९ जुलै, २०२४ रोजी सकाळी ११ वाजता बैठकीचे आयोजन करण्यात आले आहे. 

ज्या आजी, माजी सैनिकांचे जमिनी, अतिक्रमण, निवृत्तीवेतन, कुटुंबियावरील अन्यायाबाबत काही प्रश्न, अडीअडचणी असतील त्यांनी बैठकीस उपस्थित राहावे.  आपल्या अडीअडचणीबाबत लेखी स्वरूपात दोन प्रतीत अर्ज सादर करावा, असे  जिल्हा सैनिक कल्याण अधिकारी, अहमदनगर यांनी प्रसिद्धी पत्रकाद्वारे कळविले आहे.