कोपरगाव शहरात शिवजयंती उत्साहात साजरी

 

कोपरगाव प्रतिनिधी

शहरात १९ फेब्रुवारी २०२१ रोजी हिंदवी स्वराज्याचे संस्थापक छत्रपती शिवाजी महाराज यांची जयंती फटाक्यांची आतिषबाजी करत तुतारींची सलामी देत मोठ्या उत्साहात साजरी करण्यात आलीप्रारंभी पहाटे नगरपालिकेच्या वतीने छत्रपती श्री शिवाजी महाराज उद्यान येथे नगराध्यक्ष विजय वहाडणे उपनगराध्यक्ष स्वप्निल निखाडे,नगरसेवक अधिकारी कर्मचारी यांच्या हस्ते सपत्नीक छत्रपती श्री शिवाजी महाराजांची अभिषेक पूजा करण्यात येवून आरती करण्यात आली यावेळी पालिकेचे मुख्याधिकारी प्रशांत सरोदे सर्व विभागाचे अधिकारी कर्मचारी नगरसेवक या अभिषेक पूजनास उपस्थित होते.तसेच यावेळी आमदार आशुतोष काळे युवक नेते विवेक कोल्हे यांनी छत्रपती शिवाजी महाराज यांच्या अश्वारूढ पुतळ्यास पुष्पहार अर्पण करून अभिवादन केले यावेळी भाजप-शिवसेना राष्ट्रवादी कॉंग्रेस पार्टीचे सर्व नगरसेवक आजी माजी पदाधिकारी कार्यकर्ते उपस्थित होते. छत्रपती शिवाजी महाराजांच्या पुतळ्यास आकर्षक विद्युत रोषणाई भगवे झेंडे पताका आदींनी सजविण्यात आले होते तरुण-तरुणी आकर्षक पेहराव करून मोठ्या संख्येने उपस्थित होते शिवाजी महाराजांचा यावेळी जय जय कार करण्यात आला पोलिस बंदोबस्त चोख ठेवण्यात आला होता