शहरात पोलिसांसमोर रस्त्यावर लाथाबुक्क्याने मारहाण

बारा जना विरुद्ध गुन्हा दाखल  

कोपरगाव (प्रतिनिधी) : शहरातील सुभाषनगर भागात रोडवर आपापसात झुंज करून लाथाबुक्क्यांनी  मारहाण करत असल्या प्रकरणी 12 जणांविरोधात  शहर पोलीस ठाण्यात  गुन्हा दाखल करण्यात आला असून 2 जणांना पोलिसांनी  ताब्यात घेतले आहे.

याबाबत अधिक माहिती अशी कि काल दि. 29 रोजी सायंकाळी 7 वाजेच्या सुमारास  सुभाषनगर परिसरात सार्वजनिक ठिकाणी यातील आरोपी  कृष्णा अमरसिंग राठोड,  जया जाधव, शाहरुख शेख,  शुभम जाधव,   विजय आऱख,  चावला ( पुर्ण नाव माहीत नाही )  खिजर मणीया,र  तन्वीर रंगरेज,  एजाज मणीयार,  हिना ( पुर्ण नाव माहीत नाही )  मीना जाधव,  ज्योती पगारे सर्व रा सुभाषनगर कोपरगाव  हे सर्वजन तोंडास मास्क न लावता एकत्रीत जमवुन पोलिंसांसमोर सार्वजनीक ठिकाणी रोडवर आपसात झुंज करुन लाथाबुक्याने मारहाण करीत होते व शिवीगाऴ करुन सार्वजनीक शांततेचा भंग करीत होते. त्यामुळे  पो. कॉ. सुरजकुमार  अग्रवाल यांच्या फिर्यादीवरुन रात्री उशिरा वरील 12 आरोपींविरोधात कोपरगाव शहर पोलीस स्टेशन येथे  गु.रजि.नं व कलम : 801/2020 भादवी कलम  160,188 269 270   प्रमाणे गुन्हा दाखल करण्यात आला असून आरोपी क्र 01 व 03 यांना ताब्यात घेण्यात आले आहे. पुढील तपास पो.नि. राकेश माणगावकर  यांच्या मार्गदर्शनाखाली पो.हे.कॉ. आर पी पुंड हे करीत आहे.