डॉ. रामचंद्र साबळे त्यांचे शेतकऱ्यांना उपयुक्त ठरणारे हवामानाचे अंदाज : कारभारीभाऊ परजने

कोपरगाव (प्रतिनिधी) : अहमदनगर जिल्ह्याचे हवामान तज्ञ डॉ. रामचंद्र साबळे यांनी अतिशय चिकित्सक अभ्यास करून शेतकऱ्यांना उपयुक्त ठरणारे हवामानाचे अंदाज गेल्या चार महिन्यापासून दिल्याने त्यांचे संवत्सर येथील माजी सभापती कारभारीभाऊ परजने  यांनी विशेष आभार मानले आहेत.  डॉ. रामचंद्र साबळे यांचे हवामान विषयक विश्लेषण अत्यंत योग्य आणि काटेकोर आहे.  त्यांच्या हवामान अंदाजाची शेतकरी चातकाप्रमाणे वाट पाहत असतात,  त्याचा शेतकरी बारकाईने अभ्यास करतात आणि त्याप्रमाणे आपल्या शेतातील पीक पाण्याचे नियोजन करत असतात. हवामान तज्ञ डॉ. साबळे यांनी चार महिने पाऊस राहणार असा अंदाज सुरुवातीलाच व्यक्त केला होता तो अतिशय तंतोतंत खरा ठरला.   त्यांच्या या चिकित्सक अभ्यासाचा अहमदनगर जिल्ह्यासह  राज्यातील शेतकऱ्यांना मोठा फायदा झाला आहे त्यामुळे त्यांचे कौतुक करावे तेवढे थोडे आहे.   डॉ.  साबळे हे शेतकऱ्यांचे खऱ्या अर्थाने मित्र ठरले आहेत त्यांच्या भविष्यातील वाटचालीस एक शेतकरी म्हणून मी सदिच्छा व्यक्त करतो असेही कारभारीभाऊ परजने  यांनी शेवटी म्हटले आहे.