ज्ञानधारा

 कोपरगाव (प्रतिनिधी) : शहर व विविध प्रभागांत मोकाट जनावरांचा सुळसुळाट झाला असून निवारा परिसरात चार ते पाच जणांना जखमी केल्याची घटना नुकतीच घडली असून या गंभीर प्रश्नाबाबत पालिकेने तातडीने पावले उचलावीत  अशी मागणी प्रभाग क्रमांक दोनचे ज्येष्ठ नगरसेवक जनार्दन कदम यांनी  लेखी निवेदनाद्वारे केली आहे. त्यात पुढे कदम यांनी म्हटले की  नगराध्यक्ष, मुख्याधिकारी व आरोग्य विभाग प्रमुख यांना मागील गेल्या तीन महिन्यापासून प्रभाग 2 मध्ये मोकाट जनावरे. गाढवे व कुत्र्यांचा वावर मोठ्या प्रमाणात वाढलेला आहे त्याबाबत आरोग्य विभाग प्रमुख यांना वारंवार फोनवर व्हाट्सअप दारे फोटो टाकून याबाबतची कल्पना दिलेली होती त्याबाबत कुठलीही ठोस कार्यवाही पालिका प्रशासनाकडून झालेली नाही. मागील तीन दिवसांमध्ये याच मोकाट जनावरांना कडून आता नागरिकांवर प्राणघातक हल्ले सुरू झालेली आहे दोन दिवसापूर्वी दोन नागरिक या मोकाट जनावरांच्या हल्ल्यातून जखमी झालेले आहे तसेच मागील आठवड्यात एका लहान मुलाला मोकाट कुत्रे कडून ओरबडण्याचा प्रयत्न झाला नागरिकांच्या सतर्कतेमुळे त्याचे प्राण वाचले, पालिका प्रशासनाकडून हा प्रश्न सुटत नसेल तर आम्ह

मुंबई : राज्यातील रेस्टॉरंट, बार आणि फूड कोर्ट सुरू करण्यास अखेर राज्य सरकारने परवानगी दिली आहे. ५ ऑक्टोबरपासून राज्यातील रेस्टॉरंट आणि बार सुरू होणार आहेत. पण ५० टक्के क्षमतेने रेस्टॉरंट आणि बार सुरू करण्यास परवानगी देण्यात आली आहे. राज्य सरकारने अनलॉक-5 चे नियम आज जाहीर केले आहेत.  रेस्टॉरंट आणि बार सुरू करताना कोणती काळजी घ्यायची, इतर काय अटी असतील हे पर्यटन विभाग लवकरच जाहीर करणार आहे. लॉकडाऊनमध्ये मार्च महिन्यापासून रेस्टॉरंट आणि बार बंद आहेत. दुसरीकडे शाळा, महाविद्यालये हे ३१ ऑक्टोबरपर्यंत बंदच राहणार आहेत. सिनेमागृह, स्वीमिंग पूल देखील बंदच राहणार आहे. मेट्रोही बंद राहणार राहणार असल्याचं सरकारने म्हटलं आहे. गेल्या काही दिवसांपासून धार्मिक स्थळं खुली करण्याची मागणी होत आहे. मात्र अनलॉक 5 मध्ये देखील धार्मिक स्थळे ही बंद राहणार असल्याचं सरकारने स्पष्ट केलं आहे.

कोपरगाव : महाराष्ट्रातील नामांकित समता नागरी सहकारी पतसंस्थेने पतसंस्था  मे २०२० रोजी श्रीरामपूर शहरात शाखा सुरु करून गत २० वर्षात १०० कोटी रुपयांचा टप्पा पार केल्याची माहिती समता पतसंस्थेचे संचालक श्री.संदीप कोयटे यांनी दिली. याबाबत अधिक माहिती देतांना श्री संदीप कोयटे म्हणाले कि, २००० साली श्रीरामपूर मध्ये केवळ २-३  नागरी सहकारी पतसंस्था तग धरून होत्या. कर्जदारांनी घेतलेले कर्ज न फेडल्यामुळे त्या अडचणीत आलेल्या होत्या. त्यामुळे श्रीरामपूर मध्ये सहकारी पतसंस्था काढण्याची कोणी हिंमत करीत नव्हते. त्या काळात समताचे संस्थापक श्री.ओमप्रकाश दादाप्पा तथा काका कोयटे यांनी श्रीरामपूर येथे शाखा काढण्याचे जाहीर केले. या शाखेला श्रीरामपूरकरांनी साथ दिली व पहिल्याच वर्षात १ कोटी रुपयांच्या ठेवी जमा झाल्या. त्यानंतर पुढील ५ वर्षात म्हणजे २००५ साली या ठेवी ५ कोटी रुपया पर्यंन्त गेल्या.  त्यापुढील ५ वर्षात म्हणजे २०१० साला पर्यंत या  ठेवी २० कोटींच्या ठेवी पूर्ण झाल्या. त्या पुढील ५ वर्षात म्हणजे २०१५ साली या ठेवी ३५ कोटी रुपया पर्यंन्त गेल्या व काल ३० सप्टेंबर २०२० पर्यंत हा ठेवींचा आकडा १०० कोटी रु

कोपरगाव (प्रतिनिधी) : शहर व व तालुक्यातील परिसरात दिवसेंदिवस कोरोना रुग्णाची संख्या  वाढतच आहे  23 मार्चच्या टाळे बंदीनंतर नगरपालिकेचे अधिकारी व कर्मचारी जीवावर उदार होत  रात्रंदिवस कोरोना महामारी च्या पार्श्वभूमीवर कार्यरत आहेत आता पालिकेतही कोरोना चा शिरकाव झाल्याने दि १   ते ४ ऑक्टोबर  पर्यंत अत्यावश्यक सेवा वगळता पालिका कार्यालय  बंद ठेवण्याचा निर्णय प्रशासनाच्या वतीने घेण्यात आला आहे. शहरातील  कोरोना विषाणू संसर्ग प्रादुर्भाव रोखण्यासाठी  नगरपालिकेचे अधिकारी कामगार विविध उपाय योजना व त्याची अंमलबजावणी करत आहे. तसेच नागरिकांना नियमितपणे स्वच्छतेची व विविध सेवा सुविधा  पुरवण्याचा प्रयत्न  करीत आहे . या दरम्यान मोठ्या प्रमाणात विविध कारणामुळे अनेक व्यक्तींचा संपर्क येतो त्यातूनच नगरपरिषदेचे काही अधिकारी व कर्मचारी यांना कोरोना संसर्ग झाला आहे कर्मचाऱ्यांची व अधिकाऱ्यांची तपासणी व स्वॅप नमुने घेण्यात आले आहेत अशी माहिती प्रशासनाच्या वतीने देण्यात आली. नागरिकांनीही स्वतःची काळजी घ्यावी घराबाहेर कामाव्यतिरिक्त पडू नये असे आवाहन करण्यात आले आहे .

कोपरगाव (प्रतिनिधी) : कोरोना महामारीमुळे तालुक्यातील श्रीक्षेत्र उक्कडगाव येथील श्री रेणुका देवी मंदिरात नवरात्र उत्सव होणार नाही, त्यामुळे भाविकांनी मंदिर कार्यस्थळावर घटी बसण्यासाठी येऊ नये, तसेच प्रसाद साहित्य, खेळ साहित्य, खाद्यपदार्थ विक्रेते इत्यादी वस्तू विक्रेत्यांनी मंदिर यात्रा उत्सवासाठी येऊ नये, सर्व भाविकांनी घरच्या घरी नवरात्र उत्सव काळात आपल्या घरीच शासन नियम पाळून नवरात्र उत्सव साजरा करावा असे आवाहन रेणुकादेवी देवस्थान व उक्कडगाव ग्रामस्थांनी केले आहे.  पोलीस प्रशासन, व तहसीलदार यांनी या काळात संपूर्णपणे बंदोबस्त ठेवून रेणुका देवी मंदिराच्या चारही बाजूंनी प्रवेशद्वारे बंद करावीत. संपूर्ण जगात सध्या कोरोना महामारीने थैमान घातले आहे.  महाराष्ट्र राज्यातही त्याचा प्रकोप दिवसेंदिवस वाढत आहे. देशाचे पंतप्रधान नरेंद्र मोदी मुख्यमंत्री उद्धव ठाकरे, गृहमंत्री अनिल देशमुख, पालकमंत्री हसन मुश्रीफ आदींनी नवरात्र उत्सवाचे नियम घालून दिले असून भाविकांच् आरोग्य चांगले राहावे यासाठी नवरात्र उत्सव काळात निर्बंध घातले आहेत, तेव्हा सालाबाद प्रमाणे यावर्षी भाविकांनी तसेच यात्रा काळात विवि

कोपरगाव (प्रतिनिधी) : येथील माजी नगरसेवक काळे मळा परिसरातील तुळजाभवानी तरुण मंडळाचे संस्थापक दत्ता काले यांची कोपरगाव भाजपा शहराध्यक्षपदी नियुक्ती करण्यात आली. भारतीय जनता पार्टी  उत्तर नगर जिल्हाध्यक्ष राजेंद्र भाऊसाहेब गोंदकर  यांनी  दत्ता काले यानां नियुक्ती पत्र दिले. शहरातील  कार्यकर्त्यांचे संघटन वाढीसाठी शहराध्यक्ष म्हणून त्यांच्याकडे जबाबदारी सोपविण्यात आली आहे असे  जिल्हाध्यक्ष  गोंदकर यांनी सांगितले . आगामी निवडणुकांच्या तयारीच्या दृष्टीने आता नव्या शहराध्यक्षांची नेमणूक तातडीने केली जावी, अशी भाजपातील अनेकांची मागणी होती . विधानसभा निवडणुकीत पक्षाच्या उमेदवारांचा निसटता  पराभव झाल्यानंतर पालिका निवडणुकांपूर्वी शहराध्यक्ष बदलण्याच्या मागणीने जोर धरला होता. भाजपाच्या पक्ष नेतृत्वाने त्याचे संकेत दिले होते. पक्षाच्या स्थापनेपासून सातत्याने काम करणाऱ्या संघटनेतील एखाद्या जुन्या-जाणत्या कार्यकर्त्याला संधी मिळेल, अशी शक्यता होती. त्यादृष्टीने, पक्षानेच शहराध्यक्षपदासाठी इच्छुकांच्या मुलाखती घेतल्या होत्या. शहरातील इतर सर्वच पक्षांच्या अध्यक्षपदी नव्या चेहऱ्यांची नियुक्ती करण्यात

लखनऊ : बहुप्रतिक्षित बाबरी मशीद विध्वंस प्रकरणी आज सीबीआयचे विशेष न्यायाधीश लखनऊतील विशेष न्यायालयात आपला निर्णय दिला. यावेळी साध्वी ऋतंभरा यांच्यासमवेत 18 आरोपी कोर्टात उपस्थित होते तर अडवाणी यांच्यासह काही व्हिडीओ कॉन्फरन्सिंगच्या माध्यमातून उपस्थित होते. यावेळी तब्बल 2000 पानांचा निकाल कोर्टात वाचण्यात आला. कोर्टानं यावेळी सर्व आरोपींची निर्दोष मुक्तता करत, हा पूर्वनियोजित कट नसल्याचे जाहीर केले आहे. कोर्टाच्या या निर्णयामुळे भाजपचे ज्येष्ठ नेते लालकृष्ण अडवाणी, मुरली मनोहर जोशी याचबरोबर उमा भारती यांचीही निर्दोष मुक्तता झाली आहे. याआधी सेशन ट्रायल क्रमांक 344/1994, 423/2017 आणि 726 / 2019 सरकार विरुद्ध पवन कुमार पांडे आणि वरील प्रकरणातील सर्व सुनावणी 16 सप्टेंबर रोजी संपली होती. त्यानंतर सुरेंद्र कुमार यादव, पीठासीन अधिकारी, विशेष न्यायालय, अयोध्या केस लखनऊ यांनी 30 सप्टेंबर 2020 रोजी निर्णय देण्याची तारीख निश्चित केली. बाबरी विध्वंस प्रकरणात एकूण 49 आरोपी होते, त्यापैकी 32 सध्या जिवंत आहेत आणि 17 जणांचा मृत्यू झाला आहे. जण मरण पावले आहेत. या खटल्यात भाजप नेते एल के अडवाणी, मुरली म

धुळे : खान्देशातील प्रसिद्ध उद्योगपती तपन पटेल यांचे अपघाती निधन झाले. शिरपूर जवळील टोल नाक्यावर मध्यरात्री झालेल्या अपघातात ते गंभीर जखमी झाले होते. त्यानंतर त्यांना रुग्णालयात हलविण्यात आले. मात्र, त्यांचे निधन झाले.  तपन पटेल हे आपल्या घरी परतत असताना, कुरखळी फाट्याजवळ हॉटेल गॅलक्सी समोर अपघात झाला. यात ते गंभीर जखमी झालेत, त्यांना तात्काळ रूग्णालयात दाखल करण्यात आले, मात्र हा अपघात इतका भीषण होता की ते गंभीर जखमी झाले. त्यांचे उपचाराआधीच निधन झाले. त्यांच्या अचानक जाण्याने संपूर्ण शिरपूर तालुक्यात दुःखाचे वातावरण आहे.  माजी खासदार मुकेश पटेल यांचे चिरंजीव तर माजीमंत्री अमरीश पटेल यांचे पुतणे होत. तपण पटेल शिरपूर नगरपालिकेचे नगरसेवक होते. मध्यरात्री टोळनाक्याजवळ भीषण अपघात झाला. यावेळी गाडीचा चक्काचूर झाला.  वयाच्या अवघ्या ४० वर्षांत राजकीय, सामाजिक आणि औद्योगिक क्षेत्रात नाव कमावले. त्यांच्या जाण्याने खान्देशात तीव्र दु:ख व्यक्त होत आहे.  तपन यांच्या जाण्याने खान्देशातील सामाजिक आणि औद्योगिक क्षेत्राचे न भरून निघणारे नुकसान झाले आहे, अशी काहीनी आपली प्रतिक्रिया व्यक्त केली. अत्यंत

नवी दिल्ली : भारताचे उपराष्ट्रपती एम व्यंकय्या नयडू यांची कोरोना टेस्ट पॉझिटिव्ह आली आहे. उपराष्ट्रपती नायडू यांची प्रकृती स्थिर असून होम क्वारंटाईन आहेत. व्यंकय्या नायडू यांची पत्नी उषा नायडू यांची कोरोना टेस्ट नेगेटिव्ह आली असून त्या सेल्फ आयसोलेशन मध्ये आहेत.

अमेरिका : Coronavirus ने थैमान घातलेलं असताना आता एकपेशीय प्राणी असलेल्या अमिबासुद्धा मनुष्याच्या शरीरास किती धोकादायक ठरू शकतो, हे अमेरिकेतल्या एका घटनेमुळे सिद्ध झालं आहे. दूषित पाण्यातून हा सूक्ष्म जीव सहा वर्षांच्या चिमुरड्याच्या शरीरात गेला आणि सरळ मेंदूवर हल्ला केला. मेंदू कुरतडणाऱ्या अमिबामुळे या मुलाचा मृत्यू झाल्याचं वैद्यकीय तपासणी अहवालात नमूद करण्यात आलं आहे. अमेरिकेमध्ये ही धक्कादायक घटना घडली आहे. टेक्सास प्रांतातील ब्राझोरिया काउंटीमध्ये एका लहान मुलाचा मेंदूच्या आजाराने मृत्यू झाला. पाण्यातील अतिसूक्ष्म एकपेशीय जीव अमिबा मेंदूत जाऊन या मुलाचा मृत्यू झाल्याचं तपासात लक्षात आलं. त्यानंतर टेक्ससमध्ये आपत्कालीन परिस्थिती जाहीर करण्यात आली आहे. हा अमिबा पाण्यावाटे मुलाच्या शरीरात गेल्याचा अंदाज वर्तवण्यात येत आहे. 8 सप्टेंबरला या मुलाचा मेंदूच्या आजाराने मृत्यू झाला. जॉशिया मॅकिन्टायर असं या मुलाचं नाव आहे.  नेग्लेरिया फॉवलेरी नावाचा अमिबाच्या संसर्गाने त्याचा मृत्यू झाल्याचं वैद्यकीय तपासणीत सिद्ध झालं. हा अमिबा तलाव, नद्यांमध्ये पैदा होतो. स्वच्छ पाण्यात तो आला यामागे ढिसा

मुंबई : अवघ्या काही दिवसांवर येऊन ठेपलेल्या नवरात्रोत्सवासाठी आता लगबग सुरु झाली आहे. कोरोना व्हायरसच्या वाढत्या प्रादुर्भावामुळं उत्साह काहीसा कमी असला तरीही, आदिशक्तीच्या आगमनासाठी सारे उत्सुक आहेत. या परिस्थितीमध्ये कोरोनाचा प्रादुर्भावही नियंत्रणात रहावा यासाठी गणेशोत्सवाप्रमाणंच नवरात्रोत्सवासाठीही राज्याच्या गृह विभागाकडून नियमावली जाहीर करण्यात आली आहे.  नव्या नियमावलीमुसार सार्वजनिक नवरात्रोत्सव मंडळांसाठी देवीच्या मूर्तीची उंची मर्यादा ४ फूट, तर घरगुती मूर्तींसाठी ही मर्यादा २ फूट इतकी करण्यात आली आहे. शिवाय यंदाच्या नवरात्रौत्सवात दांडिया किंवा गरब्याच्या आयोजनावर बंदी घालण्यात आली आहे. तसंच कोरोनासंदर्भात जनजागृती मोहीम राबवण्याचं आवाहनही करण्यात आलं आहे.  नवरात्रोत्सवासाठीची नियमावली  सार्वजनिक नवरात्रोत्सवासाठी महापालिका/ स्थानिक प्रशासन यांची पूर्वपरवानगी घेणं आवश्यक.  कोरोनाची परिस्थिती पाहता न्यायालय, महापालिका आणि स्थानिक प्रशासनानं मंडपासाठी आखलेल्या नियमांचं पालन करणं अनिवार्य.  यंदाचा नवरात्रोत्सव साध्या पद्धतीनं साजरा करणं अपेक्षित असल्यामुळं सार्वजनिक आणि घरगुती न

मुंबई : कोरोनाचा धोका वाढत आहे. महाविकासआघाडी सरकारमधील अनेक मंत्र्यांना कोरोनाची लागण झाली आहे. काही मंत्री कोरोनामुक्त झाले आहेत. आता उच्च आणि तंत्रशिक्षणमंत्री उदय सामंत यांना कोरोनाची लागण झाली आहे. त्यांनीच ट्विट करत ही माहिती दिली आहे. मी कोणाच्या संपर्कात नव्हतो. मात्र, त्याआधी जे आले आहेत, त्यांनी कोरोनाची चाचणी करुन घ्यावी असे आवाहन सामंत यांनी केले आहे. गेले १० दिवस मी स्वत:ला क्वारंटाईन करुन घेतले आहे. मी स्वत: कोविड टेस्ट करुन घेतली आहे. रिपोर्ट हा पॉझिटिव्ह आला आहे. मी गेले १० दिवस कोणाच्या संपर्कात नसल्याने संसर्ग होण्याची शक्यता अगदी कमी आहे. तहीही माझ्या संपर्कात आलेल्यांनी आपली काळजी घ्यावी. मी ठणठणीत आहे. पुढच्या आठवड्यात जनतेच्या सेवेत रुजू होईल, असे सामंत यांनी म्हटले आहे. त्याआधी शिक्षण मंत्री वर्षा गायकवाड या कोरोनामुक्त झाल्या आहेत. दरम्यान, याधी आघाडी सरकारमधील जितेंद्र आव्हाड, धनंजय मुंडे, हसन मुश्रीफ, अशोक चव्हा, नितीन राऊत आदींना कोरोनाची लागण झाली होती. ते पूर्णपणे बरे झालेले आहेत. दरम्यान, मुंबईत कोरोनाचा वाढता धोका लक्षात घेत बीएमसीनं झोपडपट्ट्यांवर पुन्हा

कोपरगाव (प्रतिनिधी) : करिअर निर्माण करण्यासाठी अनेक पर्याय खुले असतात. ज्या गोष्टीमध्ये विद्यार्थ्यांना रस असतो ती साध्य करण्यासाठी प्रयत्न केले पाहिजेत. क्षेत्र कोणतेही असो अभ्यासामध्ये सातत्य, ध्येय आणि चिकाटी असल्यास यश हमखास मिळते असे प्रतिपादन पोहेगांव नागरी पतसंस्थेचे संस्थापक शिवसेना नेते नितीनराव औताडे यांनी केले. ते अहमदनगर जिल्हात यूपीएससी एनडीएच्या परीक्षेत एकमेव उत्तीर्ण झालेल्या प्रथमेश हासे यांचा संस्थेच्यावतीने सत्कार करताना बोलत होते. यावेळी शारदा स्कूलचे प्राचार्य भारत सावंत, संजय हासे, गणेश हासे, सचिन घुगे, श्री. वसावे, पतसंस्थेचे व्यवस्थापक घेगडमल आदि उपस्थित होते.पोहेगाव मुजमुले वस्ती शाळेत पंधरा वर्षे आदर्श शिक्षक म्हणून काम केलेले व सध्या चांदगव्हाण प्राथमिक शाळेत कार्यरत असलेल्या संजय हासे यांच्या मुलाने प्रथमेश स़ंजय हासे यांनी युपीएससी एनडीए परिक्षेत यश संपादन केले.देशात या परिक्षेसाठी 12 लाख विद्यार्थी आँनलाईन बसले होते.त्यापैकी 350 विद्यार्थी उत्तीर्ण झाले आहे.नगर जिल्हात प्रथमेश हासे हा एकमेव विद्यार्थी उत्तीर्ण झाला आहे.पुणे येथे नँशनल डिफेन्स अकॅडमी येथे ब

नगर : युवक काँग्रेसचे प्रदेशाध्यक्ष सत्यजितदादा तांबे यांच्या वाढदिवसानिमित्त अहमदनगर शहर जिल्हा काँग्रेसच्या अल्पसंख्याक विभागाच्यावतीने  संजय नगर मधील जंगे शहीदा कबरस्थान आवारामध्ये काँग्रेसचे शहर जिल्हाध्यक्ष किरण काळे यांच्या हस्ते वृक्षारोपण करण्यात आले. काँग्रेसच्या अल्पसंख्यांक विभागाचे शहर जिल्हाध्यक्ष अज्जूभाई शेख यांच्या पुढाकारातून तांबे यांच्या वाढदिवसानिमित्त या उपक्रमाचे आयोजन करण्यात आले होते. यावेळी मुबीन शेख, गुड्डू शेख, शरीफ सय्यद, वाहिद शेख, अभिजीत वर्तले, नितीन वर्तले आदी उपस्थित होते.  यावेळी काळे म्हणाले की, सत्यजितदादा तांबे यांच्या वाढदिवसानिमित्त नगर शहरामध्ये विविध सामाजिक उपक्रमांचे आयोजन काँग्रेस पक्षाच्या वतीने करण्यात आले आहे. अल्पसंख्याक विभागाच्या वतीने घेण्यात आलेला पुढाकार हा कौतुकास्पद आहे. अल्पसंख्याक विभागाचे शहर जिल्हाध्यक्ष अज्जूभाई शेख हे अल्पसंख्यांक बांधवांमध्ये लोकप्रिय आहेत. त्यांचा जनसंपर्क दांडगा आहे.  यावेळी बोलताना अज्जूभाई शेख म्हणाले की, या कार्यक्रम प्रसंगी केवळ वृक्षारोपण  करून थांबणार नाही. तर लावलेली झाडे अल्पसंख्याक विभागाच्यावतीने

  नवी मुंबई : उलवे इथे एकाला खंडणीखोर बोगस पत्रकाराला पोलिसांनी अटक केली आहे. आशिष चौधरी असे आरोपीचे नाव आहे. चौधरी याने पत्रकार असल्याची बतावणी करत डेअरी चालकाकडे दोन हजारांची खंडणी मागितली. खंडणी देण्यास नकार दिला म्हणून चौधरी याने बनावट पिस्तूलातून गोळीबार केला. हा संपूर्ण प्रकार सीसीटीव्हीत चित्रित झाला आहे.  बनावट पिस्तुलने गोळीबार करुन परिसरात दहशत निर्माण करणाऱ्या उलवे यु- ट्यूब चॅनलचा पत्रकार आशिष दिनकर चौधरी याला न्हावा-शेवा पोलिसांनी अटक केली आहे. पोलिसांनी त्याच्याजवळ असलेले मेड इन जर्मनीचे ९ एएम चे बनावट पिस्तुल जप्त केले आहे. त्याने केलेला गोळीबार सीसीटीव्हीमद्ये चित्रित झाला आहे. याप्रकरणी पोलिसांनी आशिष चौधरी याच्यावर खंडणी आणि आर्म कायद्यानुसार गुन्हा दाखल केला आहे. त्याला रात्री उशीरा पोलिसांनी अटक केली.

कोपरगाव (प्रतिनिधी) : एकीकडे आशा सेविकांची परवड आणि दुसरीकडे कोरोना महामारीचा हाहाकार सुरू असताना शासनाचा माझे कुटुंब माझी जबाबदारी उपक्रम म्हणजे चक्क कोरोना ग्रस्तांच्या डोळ्यात धूळफेक करणारा आहे, या आशा सेविकांना कुठल्याही सोयीसुविधा उपलब्ध नाहीत त्यांच्याकडे ना धड वैद्यकीय उपकरणे आहेत, टीका सहकार महर्षी शंकरराव कोल्हे सहकारी साखर कारखानायचे माजी उपाध्यक्ष, संचालक संजय दौलतराव होन यांनी केली. शासनाने अगोदर आशा सेविकांना योग्य सुविधा, पुरेशी उपकरणे उपलब्ध करून द्यावी मगच त्यांच्या खांद्यावर माझे कुटुंब माझी जबाबदारी अभिया नाची जबाबदारी टाकावीअसे ते म्हणाले.  श्री. संजय दौलतराव होन पुढे म्हणाले की, संजीवनी उद्योग समूहाचे अध्यक्ष बिपीन दादा कोल्हे यांनी कोरोना महामारीत शासनाची वाट न पाहता, तो रोखण्यासाठी ज्या ज्या उपाय योजना शक्य होते त्या त्या  उपाय योजना केल्या.   प्रत्येक आपत्तीत संजीवनी उद्योग समूहच अगोदर धावून आला आहे. आता सध्या कोरोना कहर वाढत असताना त्यावर पुरेशा वैद्यकीय सुविधा तालुका पातळीवर तसेच ग्रामीण भागात शासनाला उभ्या करता आल्या नाहीत त्यामुळे 31 रुग्ण दगiवले आहेत. माझे क

कोपरगाव (प्रतिनिधी) : जगात कोरोनाची महामारी आली आणि अनेकांचे होत्याचे नव्हते झाले. जगात 50 कोटी लोकांचे रोजगार गेले, पण कोपरगावच्या अभिजित वाघ या तरुणाने ही संधी मानून त्यावर काम केले आणि स्व:ताच्या बुद्धीने मेक इन इंडिया अंतर्गत कॉन्टॅक्ट लेन्स  हॅण्ड सॅनीटायझर डिस्पेंसर  तयार करून फ्लिपकार्टमार्फत त्याची ऋषिकेश ते कन्याकुमारीपर्यंत विक्रीही केली, त्याच्या या उपकरणाला सध्या तरी बऱ्यापैकी मागणी आहे. कोपरगाव शहरातील गिरमे चाळ येथे राहणारा अभिजित वाघ हा बारावी आयटीआय उत्तीर्ण आहे. विद्युत तंत्रज्ञ क्षेत्रात त्याने अनेक नवनवीन उपकरणे तयार करत आपल्या ज्ञानाची चुणूक दाखवली आहे. लॉकडाऊन ्चा काळ त्याच्यासाठी संधी ठरला आहे. कोरोना महामारीत सर्वसामान्यांपासून ते अतिउच्च व्यक्तींपर्यंत सॅनिटायझर सर्वांच्याच जीवनाचा अविभाज्य घटक बनला आहे. अभिजित वाघ याने अनेक नवनवीन उपकरणे तयार केली covid-19 अंतर्गत त्याने कॉन्टॅक्ट लेन्स तयार केले त्याची फ्लिपकार्टवर जाहिरात केली आणि बघता बघता त्याच्या उपकरणाला ऋषिकेश पासून कन्याकुमारीपर्यंत मागणी येऊ लागली.   साईबाबांच्या शिर्डीत सध्या हॉटेल व्यवसाय मंदीत असतान

    युवक हे देशाचे आधारस्तंभ तर युवाशक्ती ही राष्ट्र शक्ती आहे. ज्या देशातील युवक व्यसनाधिन असेल, अनेक व्याधीनी त्रस्त असेल तर त्या देशाची प्रगती अशक्य आहे.कोणतेही व्यसन आज शरीराला विघातक व चारित्र्याला बदनामकारक असते. आज व्यसन हेच फॅशन झाले आहे. आजचा तरुणवर्ग आज ड्रग्ज,चरस .ब्राउन शुगर, अफू, गांजा, यासारख्या अंमली पदार्थाच्या सेवनाच्या छायेखाली वावरत आहे. आज बिअर बार मध्ये जावून मद्य सेवन करने प्रतिष्ठेचे बनले आहे. दैनंदिन जीवन जगताना प्राथमिक गरजाकडे दुर्लक्ष करून भौतिक गरजांच्या आहारी गेल्याचे चित्र दुर्दैवाने सगळीकडे पहावयास मिळत आहे. मानसिक संघर्षाला तोंड देण्यासाठी गुन्हेगारी वृत्ती वाढल्याने व गरिबीला वैतागून गुन्हेगारी मार्गाने जाऊन श्रीमंतीचा ध्यास अनेकांनी घेतला आहे. आज मादक पथार्थांच्या सेवनाने तरुण पिढीचे आयुष्य बरबाद होत आहे. मादक पदार्थ सेवनावर कायमची बंदी असली पाहिजे. जो पर्यंत वर्तमान तरुण वर्ग निर्व्यसनी बनत नाही. तोपर्यंत जीवनाला काय अर्थ राहणार आहे? मादक पदार्थाच्या सेवनाच्या आहारी न जाता आपले जीवन निर्व्यसनी बनवण्याचा प्रयत्न करणे काळाची गरज बनली आहे. शा

जळगाव : उत्तर महाराष्ट्रातील भाजपचे ज्येष्ठ नेते आणि माजी मंत्री गिरीश महाजन यांच्या गाडीला रविवारी भीषण अपघात झाला आहे. या अपघातात एक जण गंभीर जखमी झाला आहे. जखमी तरुणाला पाचोरा येथील हॉस्पिटलमध्ये उपचारासाठी दाखल करण्यात आलं आहे. सुदैवानं गिरीश महाजन यांना काहीही झालेलं नाही. ते सुखरुप आहेत. पाचोरा तालुक्यातील लोहारा-वरखेडे रस्त्यावर दुपारी 4 वाजेच्या सुमारास हा अपघात झाला. मिळालेली माहिती अशी की, भाजपचे आमदार गिरीश महाजन हे मुंबई येथील कामकाज आटोपून जामनेर येथे आपल्या घराकडे येत होते. पाचोरा तालुक्यातील लोहारा–वरखेडे रस्त्यावर अचानक त्यांच्या वाहनाला मागून एका दुचाकीस्वारानं जोरदार धडक दिली. या अपघातात दुचाकी स्वाराच्या डोक्याला गंभीर दुखापत झाली आहे. यावेळी जखमीला मदत करण्यात कोणी पुढे येत नव्हतं. गिरीश महाजन यांनी स्वत: जखमी तरुणाला मदत केली. महाजन यांनी जखमी तरुणाला आपल्या गाडीत बसवून तात्काळ पाचोरा येथील विघ्नहर्ता हॉस्पिटलमध्ये पुढील उपचारासाठी दाखल केलं. जखमी तरुणाची ओळख पटली असून बी.सी. पवार असं त्याचं नाव आहे. पवार हा आरोग्य कर्मचारी असून तो वरखेडी येथील प्राथमिक आरोग्य केंद

नवी दिल्ली :  मोदी सरकारच्या कृषी कायद्यांविरोधात शेतकऱ्यांकडून देशव्यापी आंदोलन करण्यात आले होते. मात्र संसदेच्या पावसाळी अधिवेशनात मंजूर झालेल्या  तीन कृषी विधेयकांना राष्ट्रपती रामनाथ कोविंद यांनी रविवारी मंजुरी दिली. त्यामुळे आता या तिन्ही विधयकांचे कायद्यात रूपांतर झाले आहे. दरम्यान पंजाब, हरियाणा आणि उत्तर प्रदेशातील शेतकऱ्यांनी ही विधेयकं मागे घेण्याची मागणी केली. तर राष्ट्रपतींनी या विधेयकांवर स्वाक्षरी करू नये अशी विरोधकांची मागणी होती. मात्र राष्ट्रपतींनी या तिन्ही विधेयकांवर स्वाक्षरी करत मंजुरी दिली आहे.  शेतकरी उत्पादने व्यापार व वाणिज्य (प्रोत्साहन व सुविधा), शेतकरी (हक्क आणि सुरक्षा) दर हमी व कृषीसेवा करार आणि अत्यावश्यक वस्तू (दुरुस्ती) ही तीनही विधेयकं हे तीन विधेयके मंजूर झाली आहेत. आज या तिन्ही विधेयकांना मंजुरी दिली. ५ जून रोजी या तीन विधेयकांसाठी अध्यादेश काढण्यात आला होता. मोदी सरकारच्या कृषी कायद्यांविरोधात २५ सप्टेंबरला  शेतकऱ्यांकडून देशव्यापी आंदोलन करण्यात आलं. त्यासाठी अखिल भारतीय किसान सभा व संलग्न शेतकरी संघटनांनी भारत बंदची हाक दिली होती. या आंदोलनात ३०हू

अहमदनगर : शनिवारवाडय़ासमोरच्या पटांगणात बटाटय़ाचा बाजार भरत असे. त्यामुळे तिथे असलेला मारुती झाला ‘बटाटय़ा मारुती’. तसेच सराफांची दुकाने असलेल्या ठिकाणचा झाला ‘सोन्या मारुती’. आजच्या केईएम हॉस्पिटलसमोर पूर्वी पेशव्यांचा उंटांचा काफिला थांबायचा. तिथे उंटांचा तळ असायचा. त्यामुळे तिथला मारुती झाला ‘उंटाडय़ा मारुती’, तर स्मशानाकडे जाणारी अंत्ययात्रा खांदापालट करण्यासाठी जिथे थांबायची, त्या ठिकाणचा मारुती झाला ‘विसावा मारुती’. ‘डुल्या मारुतीची’ कथा काही औरच! पानिपत इथे मराठी सैन्याची कत्तल झाली म्हणून तो थरथर कापत होता, डुलत होता. तो झाला ‘डुल्या मारुती’. याबद्दल अजून एक वेगळी आख्यायिका सांगितली जाते. दुसऱया बाजीराव पेशवे यांनी पुणे सोडावे का यासाठी म्हणे या मारुतीला कौल लावला आणि या मारुतीने मान डोलवून त्याला मान्यता दिली. म्हणून हा झाला डुल्या मारुती ! भिकारदास शेठजींच्या जागेत आला म्हणून ‘भिकारदास मारुती’, तर गुरुवार पेठेत मृतदेह समोर ठेवून रडायची प्रथा होती म्हणून ‘रडय़ा मारुती’ आणि याचसोबत सुरू होते चमत्कारिक नावांची परंपरा. गवत्या मारुती, दंगल्या मारुती, धनगरांची वस्ती असलेल्या ठिकाणचा ‘ले

कोपरगांव (प्रतिनिधी) कोरोना महामारीच्या संकटाच्या काळात तातडीने उपचार मिळावे म्हणून विदयमान आमदारांनी मोठा गाजावाजा करून कोवीड सेंटर सुरू केले, परंतु या ठिकाणी रूग्णांची सोय होण्याऐवजी गैरसोयच होत असल्याचे निदर्शनास आले आहे, या आरोग्याच्या कामातही लोकप्रतिनिधीनी रूग्णांची फसवणुक चालवलेली असुन साहित्य उपलब्ध करुन देणे म्हणजे आमदारांना उशिरा सुचलेले शहाणपण  असल्याची टिका सहकार महर्षी शंकरराव कोल्हे साखर कारखान्याचे उपाध्यक्ष आप्पासाहेब दवंगे यांनी व्यक्त केली आहे.  देशभरात कोरोना बाधित रुग्णांची संख्येत दिवसेंदिवस मोठया प्रमाणात वाढ होत असल्याचे गांभीर्य लक्षात घेवुन सरकारने आमदारांना विकास निधीचा वापर करुन साहित्य उपलब्ध करुन देण्याचे सुचना केलेले होते. तालुक्यातील कोरोना बाधित रुग्णांना स्वतःच्या तालुक्यात उपचारासाठी आॅक्सिजन, बेड, व्हेंटीलेटर आदि कोणत्याही सोयसुविधा नसल्याने नाईलाजस्तव दुस-या तालुक्यात सोय सुविधा उपलब्ध असल्यामुळे उपचारासाठी जावे लागते हे दुर्भाग्य आहे. आमदारांनी विकास निधीचा उपयोग करुन साहित्य उपलब्ध केले असते तर तालुक्यातील 31 रुग्णांचा मृत्यु झाला नसता. सध्या कोरोन

अबू धाबी : कोलकाता नाइट रायडर्स विरुद्ध सनरायजर्स हैदराबाद या सामन्यात कोलकातानं एकहाती सांमना जिंकला. युवा फलंदाज शुभमन गिलनं 70 धावांची आक्रमक खेळी केली. गिलनं 62 चेंडूत 70 धावा केल्या. गिल आणि मॉर्गन यांनी 90 धावांची भागीदारी केली. हैदराबादनं दिलेल्या 143 धावांचे आव्हान कोलकातानं 12 ओव्हरमध्ये पूर्ण केलं. यासह हैदराबादनं सलग दुसरा सामना गमावला आहे. तरकोलकाता नाइट रायडर्सचा हा पहिला विजय आहे. हैदराबादनं दिलेल्या आव्हानाचा पाठलाग करताना सुनील नारायण केवळ शुन्यावर बाद झाला. तर नितीश राणानं 26 धावांची खेळी केली. कोलकाताचा कर्णधार दिनेश कार्तिक शुन्यावर बाद झाला. त्यानंतर गिल आणि मॉर्गननं विजयी भागीदारी केली. मॉर्गनने 29 चेंडूत 42 धावा केल्या. हैदराबादकडून खलील अहमद, टी नजराजन आणि रशिद खान यांनी प्रत्येकी एक-एक विकेट घेतल्या. दरम्यान, हैदराबादनं टॉस जिंकत प्रथम फलंदाजीचा निर्णय घेतला. मात्र हैदराबादकडून मनीष पांडे वगळता इतर कोणत्याही फलंदाजाला चांगली फलंदाजी करता आली नाही. हैदराबादकडून मनीष पांडेने अर्धशतकी खेळी केली. 38 चेंडूत पांडेने 51 धावा केल्या. कोलकाताच्या गोलंदाजांनी उत्तम गोलंदा

नवी दिल्ली: गेल्या सहा वर्षांपासून कोमात असलेले माजी केंद्रीय मंत्री जसवंत सिंह यांचे रविवारी निधन झाले. ते ८२ वर्षांचे होते. २०१४ साली जसवंत सिंह हे त्यांच्या निवासस्थानी पडले होते. यावेळी त्यांच्या डोक्याला गंभीर दुखापत झाली होती. तेव्हापासून जसवंत सिंह यांच्यावर दिल्लीतील लष्करी रुग्णालयात उपचार सुरु होते.  जसवंत सिंह यांच्या निधनाविषयी पंतप्रधान नरेंद्र मोदी यांनी ट्विट करून शोक व्यक्त केला. जसवंत सिंह यांनी आधी लष्करात आणि त्यानंतर राजकारणात राहून देशाची परिश्रमपूर्वक सेवा केली. अटलजींच्या काळात त्यांच्याकडे महत्त्वाच्या खात्यांची जबाबादारी होती. त्यांनी अर्थ, संरक्षण आणि परराष्ट्र मंत्रालयाची जबाबदारी सांभाळताना आपल्या कामाचा ठसा उमटवला. त्यांच्या जाण्याने मी दु:खी झालो आहे, असे पंतप्रधान नरेंद्र मोदी यांनी आपल्या ट्विटमध्ये म्हटले आहे.  तर संरक्षणमंत्री राजनाथ सिंह यांनीदेखील ट्विट करून जसवंत सिंह यांच्या आठवणींना उजाळा दिला. त्यांनी म्हटले की, बौद्धिक क्षमता आणि देशसेवेसाठी जसवंत सिंह हे कायम स्मरणात राहतील. त्यांनी राजस्थानमध्ये भाजप पक्ष मजबूत करण्यात महत्त्वपूर्ण भूमिका बजाव

नवी दिल्ली : कोरोना विषाणू आणि त्याच्याविरोधातील लसयाबाबत सतत उलट सुलट बातम्या येत आहेत. लशीची प्रतीक्षा वाढते आहे. अशा स्थितीत एक पॉझिटिव्ह बातमी आली आहे. कोरोना विषाणूशी लढणाऱ्या नव्या प्रभावी अ‍ँटिबॉडी शास्त्रज्ञांना आढळल्या आहेत. या अँटिबॉडीजमुळे आता पॅसिव्ह लस लवकर तयार होऊ शकते, असा दावा संशोधकांकडून करण्यात येत आहे. दररोज नवनवे अभ्यास समोर येत आहेत. कोरोना विषाणूशी लढणार्‍या प्रभावी अँटिबॉडी सापडल्याचा दावा संशोधकांनी केला असून त्या पॅसिव्ह लशीमध्ये  उपयोगी ठरणार असल्याचं संशोधकांनी म्हटलं आहे. अक्टिव्ह लस असेल तर लशीचा डोस दिल्यानंतर शरीरात अँटिबॉडी तयार व्हाव्या लागतात. या प्रोसेसला वेळ लागू शकतो. तर पॅसिव्ह लशींमध्ये अ‍ॅक्टिव्ह अ‍ँटिबॉडीज रुग्णांना आधीच दिल्या जातात. त्यामुळे याचा परिणाम झटपट दिसतो.  सेल (Cell journal) या जर्नलमध्ये हे संशोधन प्रसिद्ध झालं आहे. जर्मन सेंटर फॉर न्यूरोडिजनरेटिव्ह डिसीज (DZNE) आणि चारिटे - यूनिव्हर्सिटीसमेडिज़िन बर्लिनच्या  संशोधकांनी  कोरोनाला मात देणार्‍या रुग्णांच्या रक्तातून वेगवेगळ्या  600 अँटिबॉडी काढल्या, प्रयोगशाळेतील तपासणीत वैज्ञानिकानी

मुंबई : केंद्र सरकार शेतकरीविरोधी निर्णय घेत आहे. या काँग्रेसकडून निषेध करण्यात येत आहे. काँग्रेसच्या #SpeakUpForFarmers  या ऑनलाईन मोहिमेला उदंड प्रतिसाद, अशी माहिती प्रदेश काँग्रेस कमिटीचे अध्यक्ष आणि महसूलमंत्री बाळासाहेब थोरात यांनी दिली. तसेच शेतकरीविरोधी ‘काळे कायदे’ मागे घेईपर्यंत संघर्ष सुरुच राहिल असे ते म्हणाले. कृषी सुधारणा विधेयकांना सर्वपक्षीय खासदारांचा विरोध असतानाही केंद्रातील भाजप सरकारने चर्चा न करता विरोधी पक्षांच्या सदस्यांना निलंबीत केले. कृषी विषयक आणि कामगारांबाबतची विधेयके मंजूर करुन घेतली. केंद्र सरकार सातत्याने लोकशाहीची मूल्ये आणि संसदीय नियम पायदळी तुडवत आहे, हे अत्यंत निषेधार्ह आहे, असे बाळासाहेब थोरात यांनी सांगून शेतकरीविरोधी ‘काळे कायदे’ मागे घेईपर्यंत संघर्ष सुरुच राहिल, असा केंद्र सरकारला इशारा दिला आहे. केंद्रातील भाजप सरकारने आणलेल्या शेतकरी विरोधी काळ्या कायद्याचा निषेध करत काँग्रेसने आंदोलन सुरु केले आहे. आज राज्यभरात #SpeakUpForFarmers ही ऑनलाईन मोहीम चालवण्यात आली. या मोहिमेत काँग्रेस पक्षाचे नेते, पदाधिकारी, कार्यकर्ते, शेतकरी व सर्वसामान्य जनता

कोपरगाव (प्रतिनिधी) : आंतरराष्ट्रीय कीर्तीचे देवस्थान श्री साईबाबा संस्थानचे जनसंपर्क अधिकारी मोहन जगन्नाथ यादव वय 55 यांचे नाशिक येथील अपोलो रुग्णालयात मेंदूत रक्तस्राव झाल्याने निधन झाले,  कोविड झाल्याने त्यांच्यावर तेथे उपचार सुरू होते त्यांच्या मागे पत्नी सुरेखा, एक मुलगा यश, एक मुलगी श्रद्धा, असा परिवार आहे. शिर्डीचे साई बाबांच्या माध्यमातून त्यांचा अल्पावधीतच जगाशी संपर्क आला होता. गणमान्य व्यक्तींच्या  संपर्कात ते आले होते माजी मंत्री शंकरराव कोल्हे यांच्या संजीवनी ग्रुप इन्स्टीट्युटमध्ये त्यांनी ग्रंथपाल, सचिव म्हणून अनेक वर्षे काम केले. दैनिक लोकसत्ता या वृत्तपत्राचे कोपरगाव वार्ताहर म्हणून त्यांनी पाच वर्षे काम केले पाहिले. त्यांच्या निधनामुळे अनेकांनी हळहळ व्यक्त केली. अत्यंत सरळ, शून्यातून प्रगती साधणारे, नेहमी हसतमुख, आणि कायम परोपकारी वृत्तीचे मोहन यादव सर अचानकपणे अनंताच्या प्रवासाला निघून गेल्याने चटका लावणारी घटना घडली आहे. नाशिक जिल्ह्यातील सिन्नर तालुक्यातील वल्हे वाडी वावी हे त्यांचे मूळ गाव. घरची परिस्थिती अत्यंत बेताची. कर्मवीर भाऊराव पाटील यांच्या कमवा आणि शिका य

पंढरपूर : राज्यातील वारकऱ्यांच श्रद्धास्थान असलेल्या पंढरपूर येथील कैकाडी महाराज मठाचे विश्वस्त रामदास महाराज जाधव (कैकाडी) (वय-77) यांचं कोरोनामुळे शुक्रवारी निधन झालं आहे. रामदास महाराज जाधव (कैकाडी) यांना कोरोनाची लागण झाली होती. अकलूज येथील एका हॉस्पिटलमध्ये त्यांच्यावर उपचार सुरू असतानाच रामदास महाराज यांची प्राणज्योत मालवली. रामदास महाराजांच्या निधनामुळे वारकरी संप्रदायावर शोककळा पसरली आहे. रामदास महाराज जाधव ( कैकाडी) हे मूळ अहमदनगर येथील होते. वारकरी संप्रदायात त्यांना मानाचं स्थान होतं. पंढरपूर येथील विठ्ठल-रुक्मिणी मंदिर समितीचे माजी सदस्य म्हणून त्यांनी काम पाहिले होते. रामदास महाराज हे कैकाडी महाराजांचे पुतणे होतं. तेच कैकाडी मठाचं व्यवस्थापन पाहत होते. विशेष म्हणजे रामदास महाराज मठाची जन्मकथा व तिचा उद्देश प्रभावीपणे सांगतय  मठात वर्षभर विविध कार्यक्रम साजरे होत असतात. कुठल्याही एका देवाची अथवा महाराजांची प्रामुख्याने उपासना करणारे मठ असतात. मात्र, पंढरपूर येथील कैकाडी महाराजांचा मठ त्या परंपरेला अपवाद आहे. कैकाडी महाराजांनी अनेक वर्षे जमिनीला पाठ न लावता ध्यानसाधना केली.

कोपरगाव (प्रतिनिधी) : 25 सप्टेंबर 1916 रोजी जन्माला आलेले आदर्श थोर समाजसेवक, अर्थतज्ञ, पत्रकार शेवटच्या घटकापर्यंत काम करणारे महापुरूष अशी ख्याती असलेले भारतीय जनसंघाचे राष्ट्रीय सचिव पंडीतजी दिनदयाळ उपाध्याय  होते. प्रदेशसचिव व माजी आमदार सौ.स्नेहलताताई बिपीनदादा कोल्हे यांच्या संपर्क कार्यालयात जयंतीचा कार्यक्रम संपन्न झाला. यावेळी  माजी जिल्हाध्यक्ष  रविंद्र  बोरावके, शरद  थोरात, संचालक बाळासाहेब नरोडे, तालुका अध्यक्ष साहेबराव रोहोम, शहर अध्यक्ष कैलास खैरे,  सुशांत खैरे,  वैभव आढाव, नगरसेवक स्वप्नील निखाडे, बाळासाहेब केकाण, गोपी गायकवाड, सतीश रानोडे, जगदीश मोरे, रोहन दरपेल, दिनेश गाडेकर आदि कार्यकर्ते पदाधिकारी उपस्थीत होते.  याप्रसंगी  बोरावके  म्हणाले पंडीत उपाध्याय यांची त्या काळातील प्रॉर्पटी म्हणजे फक्त दोन ड्रेस ते घरदार प्रपंच किंवा कोणत्याही नातेवाईकामध्ये गुरफटले नाही. त्या काळातील कम्युनिझम विचार, साम्यवाद, भांडवलदार शाहीच्या काळात राष्ट्रीय स्वयंसंघाची स्थापना होत असतांना उडी घेतली. आदर्श विचार मांडणे त्यांनी कधीही आमदार, खासदारकी चे स्वप्न पाहिले नाही.  काही वर्ष रेल्वे

मुंबई : अहमदनगर महानगरपालिकेच्या स्थायी समितीच्या अध्यक्षपदी ऐनवेळेस भाजपातून राष्ट्रवादीत आलेले मनोज कोतकर यांची निवड झाली. समितीच्या अध्यक्ष स्थायी समिती सभापती निवडणूक लढविण्यास शिवसेना इच्छुक होती आणि राज्यात महाविकास आघाडीची सत्ता असल्याने शिवसेनेचा या निवडणुकीत विजय निश्चित मानला जात होता. परंतु, शेवटच्या दिवशी मनोज कोतकर यांना आपल्या पक्षात घेऊन राष्ट्रवादीने आपल्या सहकारी पक्षाला एक जोरदार धक्का दिला. त्यामुळे शहरांमध्ये राज्य सरकार चालवणाऱ्या राष्ट्रवादी आणि शिवसेनेमध्येच स्थायी समिती सभापतीसाठी निवडणूक होणार होती. परंतु, शिवसेनेनं निवडणूक होण्यापूर्वीच माघार घेतली. त्यामुळे मनोज कोतकर हे स्थायी समितीचे सभापती बिनविरोध निवड झाली आहे. या निवडीनंतर राष्ट्रवादीचे आमदार संग्राम जगताप आणि  शिवसेनेचे जल संधारण मंत्री शंकरराव गडाख यांनी भूमिका स्पष्ट केली. 'अहमदनगर महापालिकेत शिवसेना आणि राष्ट्रवादी काँग्रेस पक्षांचे अंतर्गत वाद मिटून आता हे दोन्ही पक्ष एकत्र आले आहे. पालिकेची स्थायी समितीची निवडणूक दोन्ही पक्ष आता एकत्र लढवली. मुख्यमंत्री उद्धव ठाकरे आणि उपमुख्यमंत्री अजित पवार

चेन्नई : मनोरंजन विश्वासाठी आणखी एक धक्कादायक बातमी समोर येत आहे.  गायक एसपी बालासुब्रमण्यम यांनी जगाचा निरोप घेतला आहे. दोन आठवड्यांपूर्वीच त्यांनी कोरोनावर मात केली होती. त्यातून ते बरे होत असताना गुरुवारी त्यांची प्रकृती पुन्हा खालावली होती. बालासुब्रमण्यम गुरुवारी लाइफ सपोर्टवर आहेत अशी माहिती रुग्णालयाने दिली होती. मात्र मृत्यूशी सुरू असलेली त्यांची झुंज संपली आहे. आणि देश आज एक दिग्गज गायकाला मुकला आहे. चैन्नईमधील रुग्णालयामध्ये त्यांच्यावर उपचार सुरू होते. त्यांच्या मृत्यूबाबत त्यांचा मुलगा एसपी चरण यांनी अधिकृत माहिती दिली. शुक्रवारी 1 वाजून 4 मिनिटांनी त्यांचे निधन झाल्याची बातमी चरण यांनी दिली. ते 74 वर्षांचे होते. एसपी चरण यांनी डॉक्टर, हितचिंतक आणि त्यांच्यासाठी प्रार्थना करणाऱ्या सर्वांचे आभार मानले आहेत. बालासुब्रमण्यम यांना गेल्या महिन्यात कोरोनाचं निदान झालं होतं. 5 ऑगस्टला त्यांना एमजीएम हेल्थकेअर रुग्णालयात दाखल करण्यात आलं.  त्यावेळी त्यांनी आपला व्हिडीओ जारी केला होता आणि आपण बरं असल्याची माहिती आपल्या चाहत्यांना दिली होती. त्यांच्या आजारपणाबद्दल समजल्यानंतर सोशल मी

नवी दिल्ली : बिहार विधानसभा निवडणुकीचे बिगुल वाजले आहे. बिहार विधानसभेच्या 243 जागांसाठी होणाऱ्या निवडणुकीच्या तारखा जाहीर झाल्या आहेत. बिहारमध्ये 28 ऑक्टोबरपासून 3 टप्प्यात निवडणूक होणार असून 10 नोव्हेंबरला मतमोजणी होणार आहे. दिल्लीतील विज्ञान भवनमध्ये झालेल्या पत्रकार परिषदेत मुख्य निवडणूक आयुक्त सुनील अरोरा यांनी ही माहिती दिली. बिहार निवडणुकीवर कोरोनाचा मोठा परिणाम झाला आहे. कोरोनामुळे जगातील 70 देशांमध्ये निवडणुका पुढे ढकलण्यात आल्या आहेत. बिहारमध्ये सर्वसामान्य नागरिकांचे आरोग्य जपत लोकशाहीचा अधिकार वापरण्याची संधी देण्यात आली आहे. नवीन सुरक्षा नियमांच्या आधारावर विधानसभेची निवडणूक होईल, असंही सुनील अरोरा म्हणाले. बिहारमध्ये निवडणुकीच्या पहिल्या टप्प्यात 28 ऑक्टोबरला दुसऱ्या टप्प्यात  3 नोव्हेंबरला तर तिसऱ्या टप्प्यात 7 नोव्हेंबरला मतदान होईल. तर 10 नोव्हेंबरला मतमोजणी अर्थात निवडणुकीचे निकाल समोर येतील.  दरम्यान,  बिहार विधानसभेचा कार्यकाळ 29 नोव्हेंबरला संपणार आहे. त्यामुळं नवीन सरकार हा कार्यकाळ संपण्याआधी स्थापन होणं गरजेचं असल्याचं निवडणूक आयुक्तांनी सांगितलं. बिहार विधानसभा

मुंबई  : सुशांत सिंह राजपूत मृत्यू प्रकरणी समोर आलेल्या ड्रग कनेक्शनमध्ये अनेक बॉलिवूड कलाकारांचे नाव समोर आले आहे. यामध्ये काही मोठी नावं समोर येत आहेत. अभिनेत्री रिया चक्रवर्तीला याप्रकरणात अटक करण्यात आली आहे. त्यानंतर एनसीबीकडून करण्यात आलेल्या चौकशीमध्ये अभिनेत्री दीपिका पादुकोण, सारा अली खान, श्रद्धा कपूर आणि रकुल प्रीत सिंह या बड्या अभिनेत्रींची नावं समोर आली आहेत. या अभिनेत्रींसह एकूण 7 सेलिब्रिटीजना एनसीबीकडून समन पाठवण्यात आला आहे. अशी माहिती समोर येते आहे की, जवळपास 39 सेलिब्रिटी एनसीबीचीच्या रडारवर आहेत. अशावेळी दीपिकाच्या घराची सुरक्षा वाढवण्यात आली आहे. दीपिका गुरुवारी पती रणवीर सिंह याच्यासह गोव्याहून मुंबईत परतली आहे. दीपिका पादुकोणच्या मुंबईस्थित घराची सुरक्षा वाढवण्यात आली आहे. याआधी गोवा विमानतळावर देखील सुरक्षा वाढवण्यात आली होती. मुंबई पोलिसांच्या सुरक्षेमध्ये अभिनेत्री दीपिका पादुकोण एनसीबीच्या ऑफिसमध्ये पोहोचणार आहे. अशावेळी दादर पोलीस ठाण्याची एक टीम प्रभादेवी याठिकाणी असणाऱ्या 'ब्यूमोंडे टॉवर'बाहेर तैनात आहे. दीपिका या अपार्टमेंटमध्ये राहते. दुसरीकडे अभ

नवी दिल्ली : इंडियन प्रीमियर लीगच्या सहाव्या मॅचमध्ये पंजाब ने रॉयल चॅलेंजर्स बंगळुरूचा पराभव केला. पंजाबच कॅप्टन लोकेश राहुल याने तुफानी तडाखेबंद खेळी करत 132 धावांचा डोंगर रचला. राहुलचं हे आव्हान विराट कोहोलीच्या संघाला पूर्ण करता आलं नाही. पंजाबने पहिले फलंदाजी करत 206 रन्स बनवले. राहुलने फक्त 69 बॉल्समध्ये 132 रन्स केलेत. पंजाबचे 206 रन्सचे आव्हान विराट कोहलीच्या बंगळुरू संघाला पेलले नाही. त्यांचे फक्त 109 रन्स झालेत आणि 97 धावांनी त्यांना पराभव पत्करावा लागला. बंगळुरू संघाचा कॅप्टन विराट कोहली हा फक्त एकच रन कढून परतला. फिंचने 20 रन्स काढले. तर फिलीपला आपलं खातंही उघडता आलं नाही. डिव्हिलियर्सने चांगली सुरुवात केली पण तो 28 रन्स काढून आउट झाला. सुंदरने 30 रन्स काढले. पंजाबच्या लेग स्पिनर्सनी उत्तम कामगिरी केली. मुरुगन अश्विन आणि रवी बिश्नोई यांनी 3-3 विकेट घेतल्या. शेल्डन कॉटरेलने 2 विकेट घेतल्या तर शमी आणि मॅक्सवेल यांनी1-1 विकेट घेत बंगळुरू संघाला जोरदार धक्का दिला.

महंत रमेशगिरी महाराज व अंबादास अंत्रे यांचे हस्ते वाटप कोपरगाव : कोविड सोबत मुकाबला करण्यासाठी मास्क व हातांची वारंवार स्वच्छता या दोन बाबी प्रत्येकाने लक्षात ठेवाव्यात. या काळात सकारात्मक दृष्टीकोन न टिकवुन ठेवण्यासाठी नामस्मरण व ध्यानधारना करावी, असे प्रतिपादन राष्ट्ररसंत जनार्दन स्वामी आ़श्रमाचे महंत रमेशगिरी महाराज यांनी केले. आश्रमाचे विश्वस्त त व शिर्डीतील उद्योजक विलास (आबा) कोते यांच्यावतीने आश्रमातील संत मंडळी व भाविकांसाठी दिड हजार एन ९५ मास्क भेट देण्यात आले. त्यानिमित्ताने आयोजीत कार्यक्रमात ते बोलत होते. यावेळी संजीवनी ग्रुप ऑफ इन्स्टिट्यूट्सचे  सचिव अंबादास अंत्रे उपस्थित होते. महंत रमेशगिरी महाराज पुढे म्हणाले की शिर्डी  येथिल कोते परीवार हा राष्ट्ररसंत जनार्दन स्वामी महाराचांचा शिष्य  परीवार म्हणुन ओळखला जातो. तेथे चावडी कट्टा या सेवाभावी उपक्रमाच्या माध्यमातुन विश्वस्त  विलास (आबा) कोते व त्यांच्या सहकारी गरजुंना सातत्याने मदत करतात. असे उपक्रम प्रत्येक गावात सुरू करणे गरजेचे आहे. यावेळी बोलताना अंबादास अंत्रे म्हणाले, आश्रमातील कर्मचारी व भक्त परीवाराने मास्क लावल्याश

कोपरगाव (प्रतिनिधी) :  मतदार संघात वादळी पावसाचा मोठा तडाखा बसल्यामुळे प्रशासनाने 14 गावांसाठी पंचनाम्याचे आदेश दिले खरे परंतु वादळी पावसामुळे संपूर्ण मतदारंसघातील पिके नष्ट झाली असुन 14 गावांसाठी पारित केलेल्या पंचनाम्या आदेषा व्यतिरिक्त  इतर गावातील पिकांचेही देखील मोठया प्रमाणात नुकसान  झालेले आहे तरी याही नुकसानग्रस्त शेतक-यांना भरपाई मिळावी अशी मागणी भारतीय जनता पार्टीच्या प्रदेश सचिव,  स्नहेलता कोल्हे यांनी  मुख्यमंत्री, महसुलमंञी, कृपीमंत्री, पालकमंत्री यांचकडे निवेदनाद्वारे केली आहे. वादळी पावसामुळे शेतातील उभी पिके, मका, कपाशी, बाजरी, सोयाबीन, कांदारोपे, या पिकांचे मोठया प्रमाणात नुकसान झाले, पावसाच्या तडाख्यामुळे उभी असलेले पीके शेतात मोठ्या प्रमाणात पाणी साठल्याने सडून गेल्याने शेतकरी वर्ग पुरता हवालदिल झाला आहे.  यापुर्वीही या भागावर नैसर्गिक आपत्ती येवून मोठया प्रमाणात नुकसान झाले होते, या संकटातून सावरतांनाच पुन्हा शेतक-यांवर नैसर्गिक आपत्ती कोसळली आहे. यासाठी शेतक-यांना नुकसान भरपाई मिळण्याची आवश्यकता आहे. प्रशासनाने  14 गावांसाठी पंचनाम्यांचे आदेश पारित केले त्यात अनेक

कोपरगांव (प्रतिनिधी) : शहरातील सुभाषनगर येथील वाल्मिक दगडू आवारे वय 34 या तरुणाने गळफास घेऊन आत्महत्या केली  त्या इसमाचा शहरानजीक   नदीकाठालगत असलेल्या दत्तपाराजवळ  मृतदेह आढळून आला. आत्महत्ये मागचे कारण कळु शकलेनाही. सदर तरुण हा नगरपरिषदेत कांही महिन्या पूर्वी आरोग्य विभागात कर्तव्यावर होता त्यामुळे नगरपरिषदेत कामावर असलेल्या कर्मचार्‍यांचा हा आठ महिन्यात तिसरा मृत्यू ठरला आहे. मयत आवारे हा दोन दिवसापासून बेपत्ता होता दि 24/9/2020 रोजी सकाळी 7.30 वा. नदीपात्रालगत तो मृतावस्थेत आढळला त्याचे मागे आर्इ, वडिल, पत्नी, भाऊ  तीन मुली  एक मुलगा असा परिवार आहे. पोलीस ठाण्यात अकस्मात मृत्यूची नोंद झाली असून पो.हे.कॉ एस एच गायमुखे पुढील तपास करीत आहेत. 

कोपरगाव (प्रतिनिधी) : सेवाव्रती, कोपरगांवकरांसोबत जिव्हाळा जपणारे  स्वच्छतादूत, आपत्ती व्यवस्थापनचे  समन्वयक, सूर्यतेज संस्थापक, अष्टपैलू व्यक्तीमत्व .सुशांत घोडके  ज्यांचे विषयी लिखाण हाती घेतले तेव्हा शब्दही हात जोडून उभे राहिले.ज्यांच्या नियमित सहभागामुळे कोपरगांवकरांच्या सण-उत्सव-परंपरा जतन राहिल्या आहे.ज्यांचे अहोरात्र मेहनतीने शिवजयंती उत्सवासह अनेक राष्ट्रपुरुषांचे उत्सव आजही साजरे होण्यास मोलाचे सहकार्य लाभले.ज्यांचेमुळे श्रीगणेश सार्वजनिक उत्सवाला विविध स्पर्धांचे माध्यमातून विधायक कार्याला प्रेरणा मिळाली. ज्यांचे सूर्यतेज संस्थेमुळे अनेकांच्या जीवनातील अंधकार उजळला,ज्यांच्या कामामुळे स्वच्छतादूत, समन्वयक अशा पदांना प्रतिष्ठा आली. ज्यांच्या अथक प्रयत्नातून वृक्षारोपण चळवळीला आयाम मिळाला व कोपरगांव, राहाता तालुक्यातील ग्रामीण भागात ५० हजारापेक्षा जास्त वृक्षांचे रोपण व पालकत्व अभियान पाच वर्षात जोरदार राबविण्यात आले व यशस्वी झाले. ज्यांच्यामुळे कला व नाट्यसृष्टीला नवीन उर्जा मिळाली. ज्यांच्या निसर्गप्रेमाने वन्यजीव, पशू, पक्षी यांचे संवर्धनाचे मोल समजून पर्यावरणाची लोक चळवळ उभी