'हा' रस्ता दुरुस्तीबद्दल माजी नगरसेवक सुनील काळे यांचे आभार

अहमदनगर : बुरुडगाव रोड, श्रीरामनगर रोड या भागातील खराब झालेला रस्ता माजी नगरसेवक सुनील काळे यांनी तक्रार केल्याबरोबर मुरुम आणून ताबडतोब दुरुस्त करून दिल्याबद्दल या भागात राहणारे जिल्हा परिषदेचे माजी सदस्य अशोक बाबर व इतर रहिवाश्यांनी सुनील काळे यांचे आभार मानले आहेत.

शहरातील बुरुडगाव रोड परिसरातील श्रीरामनगर रोड वसाहतीतील रस्ता खड्डे पडल्यामुळे अत्यंत खराब झाला होता. येथील रहिवाश्यांसाठी हा रस्ता म्हणजे मोठी डोकेदुखी झाली होती. वाहने चालवताना येथील रहिवाश्यांना त्रास होत होता.पावसात या रस्त्यावरील खड्ड्यांमध्ये पाणी साठून त्यात येथील नागरिकांचा छोटा-मोठा अपघात होत होता. या खराब झालेल्या रस्त्याची तक्रार माजी नगरसेवक सुनील काळे यांच्याकडे केल्यानंतर त्यांनी ताबडतोब काही वेळेतच रस्त्यावर मुरुम आणून टाकला आणि रस्त्याचे काम सुंदर पद्धतीने करून दिल्याबद्दल या भागातील रहिवासी माजी जिल्हा परिषद सदस्य अशोक बाबर या इतरांनी माजी नगरसेवक सुनील काळे यांचे अभिनंदन केले व आभार मानले आहेत.