ज्ञानधारा

अहमदनगर  - राज्यातील सत्तेचा विषय आता संपला असून आता नगरकरांसोबत राज्यातील नेत्यांच्या नजरा नगर जिल्हा परिषदेच्या पदाधिकारी निवडीकडे आहेत. 21 जानेवारीपूर्वी जिल्हा परिषदेत नव्या अध्यक्षांसह अन्य पाच प्रमुख पदाधिकार्‍यांच्या निवडी होणार असून या ठिकाणी देखील राज्यातील महाआघाडीचा फॉम्यूला कायम राहणार की विद्यमान अध्यक्षा शालीनीताई विखे पाटील या सत्ता राखण्यात यशस्वी होणार हे पाहणे महत्वाचे ठरणार आहे. मात्र, काहीही झाले तरी नगर जिल्हा परिषदेच्या पदाधिकारी निवडीत कायद्याचा किस निघणार हे नक्की आहे. राज्यात सत्ता समिकरणे बदलल्याने त्याचे पडसाद नगर जिल्हा परिषदेत उमटण्याची शक्यता आहे. जिल्हा परिषदेत नव्याने महाविकास आघाडीची सत्ता येणार की विद्यमान अध्यक्षा विखे यांच्या रुपाने भाजपचा झेंडा रोवला जाणार याकडे सर्वांचे लक्ष आहे. लोकसभा निवडणुकीनंतर व विधानसभेपूर्वी जिल्ह्यातील राजकीय गणिते बदलली होती. राष्ट्रवादीच्या अनेक नेत्यांनी भाजपमध्ये प्रवेश केला होता. त्याबरोबर भाजपमधून देखील काहींनी राष्ट्रवादीमध्ये प्रवेश केल्याने जिल्हा परिषदेच्या संख्याबळात बदल झाला आहे. तांत्रिकदुष्ट्या हे सदस्य आ

हैदराबाद:  पुढील वर्षी ऑस्ट्रेलियामध्ये होणाऱ्या टी -20 विश्वचषक स्पर्धेसाठी टीमच्या वेगवान गोलंदाजांच्या फळीत फक्त एकच जागा भरणे आवश्यक असल्याचे भारतीय क्रिकेट संघाचा कर्णधार विराट कोहलीस याने म्हटले आहे.  वेगवान गोलंदाज  जसप्रीत बुमराह, भुवनेश्वर कुमार आणि मोहम्मद शमी संघात स्थान मिळवण्याचे जवळजवळ निश्चित असल्याचे कोहलीच्या या वक्तव्यावरून सूचित होत आहे. ही स्पर्धा एका जागेसाठी आहे आणि मला वाटते की तिन्ही खेळाडूंनी त्यांची जागा जवळपास पक्की केली आहे. ही निकोप स्पर्धा आहे. कोणाची निवड होईल हे पाहणे औत्सु्क्याचे ठरणार आहे, असे कोहलीने पत्रकारांशी बोलताना सांगितले.

हैदराबाद : महिला डॉक्टरवरील बलात्कार आणि हत्या प्रकरणातील चारही आरोपींना पोलीस चकमकीत ठार मारण्यात आल्यानंतर तेलंगणचे कायदा मंत्री  इंद्रकरण रेड्डी  यांनी पोलिसांचं कौतुक केलं. आरोपींनी पळून जाण्याचा प्रयत्न केला. त्यावेळी ते मारले गेले. देवानंच न्याय केला. आरोपींना त्यांच्या कर्माची शिक्षा दिली, असं ते म्हणाले. हैदराबाद बलात्कार प्रकरणी ताब्यात घेण्यात आलेले चार आरोपी पळून जाण्याच्या प्रयत्नात असताना, पोलीस चकमकीत मारले गेले. हे आरोपी पळून जाण्याचा प्रयत्न करत असताना पोलिसांनी त्यांना थांबवण्याचे प्रयत्न केले. मात्र त्यांनी पोलिसांच्या आवाहनाला प्रतिसाद दिला नाही. त्यामुळं पोलिसांना त्यांच्यावर गोळ्या झाडाव्या लागल्या. त्यानंतर राज्याचे कायदा मंत्री इंद्रकरण रेड्डी यांनी पोलिसांचं कौतुक केलं आहे. आरोपींनी पळून जाण्याचा प्रयत्न केला असता, ते चकमकीत मारले गेले. देवानंच त्यांना कर्माची शिक्षा दिली आहे, असं ते म्हणाले. पोलिसांजवळील शस्त्रे हिसकावून पळून जाण्याचा प्रयत्न आरोपींनी केला, असा दावाही त्यांनी केला.

हैदराबाद  : काही दिवसांपूर्वीच घडलेल्या महिला डॉक्टरवरील सामूहिक बलात्कार आणि हत्या प्रकरणामुळे संपूर्ण देश सुन्न झाला होता. आरोपींना कठोर शिक्षेची मागणी देशभरातून होत होती. पण शुक्रवारची सकाळ सर्वांसाठी वेगळी ठरली. आरोपींनी ज्या ठिकाणी निर्घृण कृत्य केलं होतं, त्याच ठिकाणी त्यांचा खात्मा झाला. घटनास्थळावर आरोपींना नेण्यात येत असताना त्यांनी पळून जाण्याचा प्रयत्न केला. त्याचवेळी झालेल्या चकमकीत चारही आरोपींचा खात्मा झाल्याची माहिती पोलिसांनी दिली. पोलिसांच्या या कामगिरीचं लोकांकडून कौतुक करण्यात येत आहे. घटनास्थळी दाखल होऊन पोलिसांवर लोकांनी पुष्पवर्षावही केला. हैदराबादचे 'सिंघम'; सोशल मीडियावर 'सॅल्यूट' एनकाऊंटरची माहिती मिळताच घटनास्थळावर नागरिकांनी प्रचंड गर्दी केली. ज्याच्या कानावर ही माहिती पडली, त्याने घटनास्थळाकडे धाव घेतली. लोकांना सांभाळण्यासाठी पोलिसांना मोठी मेहनतही करावी लागली. जमाव पाहता अतिरिक्त तुकडी मागवण्यात आली.

मुंबई :   हैदराबाद बलात्कार  व हत्या प्रकरणातील आरोपींचं पोलिसांनी केलेलं एन्काउंटर अयोग्य व कायद्याला धरून नव्हतं,' असं स्पष्ट मत ज्येष्ठ कायदेतज्ज्ञ अॅड.  उज्ज्वल निकम  यांनी व्यक्त केलं आहे. 'झटपट न्याय मिळाल्यानंतर आनंद होणं स्वाभाविक आहे. पण तसा न्याय चंबळचे दरोडेखोरही द्यायचे. पण शेवटी ते दरोडेखोरच होते,' असंही निकम यांनी सांगितलं. हैदराबाद बलात्कार प्रकरणी ताब्यात घेण्यात आलेले चार आरोपी पळून जाण्याच्या प्रयत्नात असताना, आज सकाळी पोलीस चकमकीत मारले गेले. या वृत्तामुळं सर्वसामान्य लोकांमध्ये आनंद व समाधान व्यक्त होत आहे. तेलंगणचे कायदामंत्री इंद्रकरण रेड्डी यांनीही या एन्काउंटरचं समर्थन केलं आहे. देवानंच न्याय केला, अशी प्रतिक्रिया त्यांनी दिली आहे.

नवी दिल्ली :  हैदराबाद येथील बलात्कार व हत्या प्रकरणातील आरोपींच्या एन्काउंटरनंतर देशभरातून उलटसुलट प्रतिक्रिया येत आहेत. माजी केंद्रीय महिला व बालविकास मंत्री मनेका गांधी यांनी पोलिसांच्या या कारवाईवर नाराजी व्यक्त केली आहे. 'केवळ तुम्हाला वाटतं म्हणून तुम्ही एखाद्याला कसं मारू शकता?, जे झालं ते खूप भयानक आहे,' असं त्यांनी म्हटलं आहे. हैदराबाद बलात्कार प्रकरणी ताब्यात घेण्यात आलेले चार आरोपी पळून जाण्याच्या प्रयत्नात असताना, आज सकाळी पोलीस चकमकीत मारले गेले. या वृत्तामुळं सर्वसामान्य लोकांमध्ये आनंद व समाधान व्यक्त होत आहे. बॉलिवूड कलाकारांपासून काही राजकीय नेत्यांनीही याचं स्वागत केलं आहे. भाजपच्या नेत्या व माजी मंत्री मनेका गांधी यांनी मात्र विरोधाचा सूर आळवला आहे.

मुंबई :  भारतरत्न डॉ. बाबासाहेब आंबेडकर यांचा आज (6 डिसेंबर) 63वा महापरिनिर्वाण दिन आहे. यानिमित्त महामानवाला अभिवादन करण्यासाठी देशभरातून लाखो अनुयायी दादरच्या चैत्यभूमीवर एकत्र आले आहेत. भारतीय संविधानाचे शिल्पकार डॉ. बाबासाहेब आंबेडकर यांचं 6 डिसेंबर 1956 रोजी दिल्लीमध्ये निधन झालं होतं. तेव्हापासूनच हा दिवस 'महापरिनिर्वाण दिन'  म्हणून पाळला जातो. महापरिनिर्वाण दिनानिमित्त चैत्यभूमीवर भीमसागर लोटला आहे. दलित समाजाला तसंच अस्पृश्यतेची वागणूक मिळणाऱ्या प्रत्येकासाठीच बाबासाहेबांनी न्याय मिळवून द्यायचा प्रयत्न केला. जातीय भेदभाव करणाऱ्यांविरुद्ध ते नुसते लढलेच नाहीत तर दलित समाजातील प्रत्येकाला त्यांनी मानाने जगण्याची शिकवण दिली. लाखो शोषित-पीडितांची लढाई लढणाऱ्या डॉ. बाबासाहेब आंबेडकर यांचा स्मृतीदिन महापरिनिर्वाण दिन म्हणून ओळखला जातो. यादिवशी आंबेडकरांचे लाखो अनुयायी दरवर्षी मुंबईतील दादर येथील चैत्यभूमीत दाखल होत आपल्या बाबांना अभिवादन करतात. महापरिनिर्वाण दिनानिमित्त चैत्यभूमी सज्ज; अशी आहे व्यवस्था केवळ अनुयायीच नाही तर महाराष्ट्रातील अनेक नेत्यांनी बाबासाहेब आंबेडकर यांन

नागपूर :  ‘ओबीसींसाठी मंत्रालय भाजपनेच दिले. माझ्यासह अनेक ओबीसी नेत्यांना भाजपनेच मोठे केले. मंत्रिपदांसह अनेक मानाची पदे दिली. त्यामुळे सत्ता जाताच पक्षाने आपल्याला काय दिले हे सगळे विसरून जाणे चांगले नाही,’ असा पलटवार भाजप नेते चंद्रशेखर बावनकुळे यांनी गुरुवारी माध्यमांशी बोलताना केला. ज्येष्ठ नेते एकनाथ खडसे यांनी भाजपतील नाराज ओबीसींची खदखद जाहीररीत्या व्यक्त केल्यानंतर उठलेल्या वादावर ते बोलत होते. खडसे यांनी थेट देवेंद्र फडणवीसांवर निशाणा साधत भाजपतील बहुजन नेत्यांवर अन्याय झाल्याची खदखद गुरुवारी व्यक्त केली होती. चंद्रशेखर बावनकुळे, विनोद तावडे यांना तिकीट नाकारले. पंकजा मुंडे आणि रोहिणी खडसे यांचा पराभव पक्षांतर्गत विरोधकांमुळे झाला, अशी तोफ डागत खडसे यांनी खळबळ माजवली होती. या पार्श्वभूमीवर बोलताना बावनकुळेंनी हे आरोप फेटाळून लावले. मला तर पक्षाने लायकीपेक्षा जास्त दिले ‘केवळ ओबीसी नेत्यांना डावलणे हे एकमेव कारण पक्षाच्या जागा कमी होण्यात नाही. तर पक्षांतर्गत बंडखोरी, पक्षांतर्गत काहींनी जाणीवपूर्वक केलेले पाडापाडीचे प्रकार, अपेक्षित मतविभाजन न होणे आदी कारणांमुळेही पक्षाच्या

ओस्लो : पाकिस्तानातील बुऱ्हाण चिश्ती उंचीमुळे सोशल मीडियावर सेन्सेशन बनले आहेत. त्याची उंची २ फूट इतकी आहे. त्याने ६ फूट उंच फौजियाशी लग्न केले. या दोघांचा निकाह नॉर्वेची राजधानी ओस्लो येथे झाला. यावेळी १३ देशातील लोक सहभागी झाले होते. चिश्ती यास लोक प्रेमाने बोबो या नावाने बोलावतात. त्याला पोलिया झालेला आहे. बोबो नॉर्वेत सलमान खानच्या बीइंग ह्यूमन मोहिमेचे प्रतिनिधीत्व करतात. २०१७ मध्ये त्याला मोस्ट इन्स्पीरेशनल मॅन अवॉर्ड मिळालेला आहे. फौजिया पाकिस्तानातील पंजाब प्रांतातील रहिवाशी आहे

रावेरखेडी (मध्य प्रदेश) :  जगाच्या इतिहासातील दुसरे मोठे युद्ध म्हणून नोंद असणाऱ्या पानिपत युद्धावर आधारित चित्रपट आज प्रदर्शित होत आहे. मात्र, मराठा साम्राज्याला सर्वोच्च शिखरावर पोहोचवणाऱ्या याच पेशव्यांचे पूर्वज थोरले बाजीराव पेशवे यांच्या स्मृतिस्थळाकडे सर्वांचेच दुर्लक्ष झाले आहे. मध्य प्रदेशातील रावेरखेडी येथे बाजीरावांचे स्मृतिस्थळ असून त्यास माहेश्वरी धरणात जलसमाधी मिळण्याचा धोका निर्माण झाला आहे. मराठीच्या मुद्द्यावर राजकारण करणारे महाराष्ट्रातील राज्यकर्ते किंवा पेशव्यांच्या वंशजांनाही याच्याशी काही देणेघेणे नाही. उलट या स्मृतिस्थळाच्या संवर्धनासाठी मस्तानीचे वंशज मात्र आटोकाट प्रयत्न करत आहेत. डिसेंबर २०१५ मध्ये प्रदर्शित झालेल्या “बाजीराव मस्तानी’ चित्रपटाने देशभरात बॉक्स ऑफिसवर मोठी कमाई केली. त्यानंतर आता आशुतोष गोवारीकर दिग्दर्शित “पानिपत ‘ हा ऐतिहासिक चित्रपट आज प्रदर्शित होत आहे. मराठा साम्राज्याची घोडदौड हा या चित्रपटाचा विषय आहे. नेहमीप्रमाणेच ऐतिहासिक कथानक असणाऱ्या चित्रपटांसोबत होतात तसेच वाद पानिपतबाबतही झाले. त्यावर मात करत चित्रपट रुपेरी पडद्यावर झळकण्यासाठी सज

एलिझाबेथ एगन :  अमेरिकेचे राष्ट्राध्यक्ष डोनाल्ड ट्रम्प नेहमीच चर्चेत असतात. पण या वेळी पत्नी मेलानिया ट्रम्पमुळे ते चर्चेत आहेत. अमेरिकेच्या प्रथम असलेल्या मेलानिया यांच्यावर ‘फ्री मेलेनिया- द अनअथॉराइज्ड बायोग्राफी’ हे पुस्तक प्रकाशित झाले आहे. पुस्तकातील काही गोष्टींमुळे खळबळ उडाली आहे. मेलानिया यांचे त्यांचे पती डोनाल्ड ट्रम्प यांच्यासोबत बिनसले असल्याचा दावा या पुस्तकात केलेला आहे. मागील काही काळात आलेल्या छायाचित्रांमधूनही हे निदर्शनास आलेले आहे. कॅट ब्रेटन या पुस्तकाच्या लेखिका आहेत. त्यांनी दीर्घकाळ व्हाइट हाऊसचे वार्तांकन केलेे आहे. मेलानियांंच्या आयुष्यामध्ये संघर्ष सुरू असल्याचे पुस्तकात म्हटले आहे. पॉवरफुल लेडी : मेलानिया यांचा पतीवर चांगलाच पगडा आहे. मागील वर्षी, अाफ्रिका दौऱ्यावेळी मेलानिया यांच्या सहकाऱ्यांसोबत हुज्जत घातल्याने ट्रम्प यांनी त्यांच्या राष्ट्रीय सुरक्षा सल्लागार मीरा रिकार्डेल यांना पदावरून काढले होते. ट्रम्प यांच्या राजकीय, प्रशासनासंबंधी निर्णयांवर मेलानियांचा प्रभाव असतो. ट्रम्प यांच्यासोबत अनेक वेळा संवाद साधतात. इव्हांकासोबतचे नाते : सध्या व्हाइट हाऊस

स्पोर्ट डेस्क :  भारतीय क्रिकेट कर्णधार विराट कोहलीने आज(गुरुवार) यष्टीरक्षक ऋषभ पंतची पाटराखण केली. विराट म्हणाला की, "ऋषभच्या कौशल्यावर पूर्ण विश्वास आहे. पण, त्याला खेळण्याची संधी दिली जावी. ऋषभ मैदानात थोडीही चूक केली तरी, धोनी-धोनी असे ओरडणे चुकीचे आहे. तो एकदा फॉर्ममध्ये आला, तर खूप उत्कृष्ट कामगिरी करू शकतो." वेस्ट इंडीजविरुद्ध सुरू होत असलेल्या टी-20 सिरीजपूर्वी विराटने पत्रकार परिषद घेतली. पहिला सामना येत्या शुक्रवारी हैद्राबादमध्ये होणार आहे. गोलंदाजी हा मोठा मुद्दा नाही- कोहली "गोलंदाजी आमच्यासाठी खूप मोठा मुद्दा नाहीये. भुवनेश्वर आणि जसप्रीत बुमराह अनुभवी गोलंदाज आहेत. ते टी-20 मध्ये चांगली कामगिरी करत आहेत. दीपक चाहरदेखील संघात आहे, तोही खूप चांगल्या फॉर्ममध्ये आहे. त्याच्यासोबत मोहम्मद शमीने चांगली कामगिरी केली आहे. त्यामुळेच गोलंदाजी आमच्यासाठी खूप महत्वाचा मुद्दा नाहीये. आम्ही विंडीजसमोर चांगले प्रदर्शन करू"

हैदराबाद :  भारत आणि वेस्ट इंडीज यांच्यातील ३ सामन्यांच्या टी-२० मालिकेतील पहिला सामना शुक्रवारी खेळवला जाईल. दोन्ही देशांतील ही सहावी द्विपक्षीय मालिका आहे. भारताने ३ आणि विंडीजने दोन वेळा मालिका जिंकली. वेस्ट इंडीज सध्या जागतिक विजेता आहे. मात्र, टीम २०१७ पासून टीम इंडियाला टी-२० मध्ये हरवू शकला नाही, त्यांनी सलग सहा सामने गमावले. विंडीजला भारताविरुद्ध अखेरचा विजय जुलै २०१७ मध्ये मिळाला होता. २०१६ विश्वचषकात अव्वल १० संघाच्या प्रदर्शनाचा विचार केल्यास भारताने सर्वाधिक ३२ सामने जिंकले आहेत. दुसरीकडे, विंडीजने सर्वाधिक २५ सामने गमावले. एकूण दोन्ही संघांत आतापर्यंत १४ सामने झाले. भारताने ८ आणि विंडीजने ५ सामने जिंकले. एका सामन्याचा निकाल आला नाही. राहुलला सलामीची संधी, भुवनेश्वरचे पुनरागमन शक्य : दुखापतीमुळे शिखर धवन बाहेर आहे. अशात लोकेश राहुलला रोहितसोबत सलामी देण्याची संधी मिळू शकते. राहुल मालिकेत चांगले प्रदर्शन करत आगामी विश्वचषकासाठी संघात स्थान निश्चित करण्याचा प्रयत्न करेल. राहुलने टी-२० आंतरराष्ट्रीय करिअरमध्ये २८ डावांत ४२ च्या सरासरीने ९७४ धावा काढल्या. दोन शतके आणि ६ अर्धशतक

पुणे :  पुणे-नगर रोडवरील आयएफएल गोल्ड लोनच्या कार्यालयावर सोने तारण ठेवण्याच्या बहाण्याने बंदूकधारी चोरट्यांनी दरोडा टाकल्याची घटना गुरुवारी सकाळी पावणेअकरा वाजता घडली. भरदिवसा हा प्रकार घडल्यामुळे व्यापाऱ्यांत भीतीचे वातावरण निर्माण झाले असून, पंधरा दिवसांतील बंदुकीच्या धाकाने सोने लुटण्याची ही दुसरी घटना आहे. चोरट्यांनी एक कोटीपेक्षा अधिक किमतीचा ऐवज चोरी करून पोबारा केला आहे. याप्रकरणी मनीषा नायर यांनी तीन अनाेळखी व्यक्तींविरोधात तक्रार दिली असून सुमारे १२० ग्राहकांचे साेने तारण ठेवलेली पाेस्टकार्ड साइजची पाकिटे आराेपींनी पळवून नेली आहेत. घटनेची माहिती मिळताच पोलिसांसह गुन्हे शाखेच्या पथकांनी घटनास्थळी धाव घेत तपासाला सुरुवात केली आहे. अगदी चालत चोरट्यांनी घटनास्थळावरून पोबारा केला. चंदननगर भाजी मार्केट परिसरातील आनंद एम्पायर या इमारतीच्या ग्राउंड फ्लोअरला या कंपनीच्या गोल्ड लोनचे कार्यालय आहे. सकळी पावणेअकराच्या सुमारास एक व्यक्ती सोने तारण ठेवून गोल्ड लोण घेण्याच्या बहाण्याने कार्यालयात शिरला. त्यानंतर त्याच्यापाठोपाठ अन्य दोन व्यक्तीदेखील आत आल्या. सकाळीच कार्यालय उघडून दुकानातील

मुंबई :  फडणवीस सरकारने महत्त्वाच्या कामांबाबत घेतलेल्या निर्णयांचा आढावा घेऊन यापैकी काही वादग्रस्त निर्णयांना स्थगिती देण्यास मुख्यमंत्री उद्धव ठाकरे यांनी सुरुवात केली आहे. तत्कालीन ग्रामविकास मंत्री पंकजा मुंडे यांनी निवडणुकीआधी ग्रामविकास विभागाअंतर्गत मंजूर २ ते २५ कोटीपर्यंतच्या अनुदान असलेल्या कामांना स्थगिती देण्याचा निर्णय ठाकरे यांनी बुधवारी घेतला. तसेच तत्कालीन मुख्यमंत्री देवेंद्र फडणवीस यांच्या अखत्यारीतील नगरविकास विभागामार्फत मंजूर पण कार्यारंभ आदेश न निघालेल्या कामांचा निधीही राेखण्याचा आदेश सरकारने गुरुवारी काढला आहे. ग्रामविकास विभागाच्या योजनांना स्थगिती देण्याबाबत काढलेल्या शासन आदेशात म्हटले आहे की, लोकप्रतिनिधींनी सुचवलेल्या ग्रामीण भागातील गावांतर्गत मूलभूत सुविधा पुरवणे (२५-१५, १२-३८), कोकण पर्यटन विकास कार्यक्रम २५-१५ २४-३२) यात्रास्थळाच्या विकासासाठी विशेष कार्यक्रम, ग्रामीण भागातील तीर्थक्षेत्राच्या विकासाकरिता दोन कोटी ते २५ कोटींपर्यंत अनुदान योजनेअंतर्गत अद्याप कार्यारंभ आदेश देण्यात न आलेल्या विकासकामांना स्थगिती देण्यात आहे. तसेच या कामांना कार्यारंभ आद

नागपूर :  विधिमंडळाच्या १६ डिसेंबरपासून नागपुरात सुरू होणाऱ्या अधिवेशनात प्रश्नोत्तराचा तास राहणार नाही. प्रश्नोत्तराच्या तासासाठी आमदारांकडून प्रश्न मागवणे, त्यावर विविध विभागांमध्ये काम, विधिमंडळ सचिवालयास त्यावर प्रक्रिया करण्यासाठी लागणारा कालावधी अशा विविध प्रक्रियांसाठी कालावधीच शिल्लक नसल्याने प्रश्नोत्तराचा तास राहणार नाही. विधिमंडळ सचिवालयाने देखील याबाबत संकेत दिले आहेत. विधानसभा व परिषदेत प्रश्नोत्तरांच्या तासांना महत्त्व आहे. यानिमित्ताने आमदारांना मतदारसंघातील प्रश्न उपस्थित करून तो सोडवून घेण्याची संधी मिळत असते. त्यासाठी महिनाभर अगोदर आमदारांकडून सचिवालयाकडे प्रश्न टाकले जातात. मात्र, सध्याच्या राजकीय परिस्थितीमुळे ही प्रक्रियाच सुरू होऊ शकली नाही. दुसरीकडे महाविकास अाघाडीचे मंत्रीही अद्याप खात्याविना आहेत. मंत्रिमंडळाच्या विस्तार केव्हा यावरही प्रश्नचिन्ह आहे. महत्त्वाचे म्हणजे अधिवेशनाला दहा दिवसांचा कालावधी शिल्लक असताना आता ही प्रक्रिया राबवणे शक्य नसल्याचे विधिमंडळ सचिवालयातील सूत्रांचे म्हणणे आहे. त्यामुळेच प्रश्नोत्तराचा तास होणार नसल्याचे स्पष्ट झाले आहे. शिवसेने

हैदराबाद : पशुवैद्यकीय डॉक्टर बलात्कारप्रकरणातील चारही आरोपींचा एन्काउंटर करण्यात आला. पोलिस तपासावेळी आरोपींनी पळ काढण्याचा प्रयत्न केला होता. यानंतर पोलिसांना गोळीबार करावा लागला. यात चौघांचा मृत्यू झाला. पीडितेवर अत्याचार झालेल्या घटनास्थळी चारही आरोपींचा एन्काउंटर करण्यात आला. आरोपींनी पळून जाण्याचा प्रयत्न केला, त्यावेळी पोलिसांकडून गोळीबार करण्यात आला. यात हे सर्वजण ठार झाले असा दावा पोलिसांनी केला आहे. पोलिस अधिकाऱ्यांनी सांगितले की, आज पहाटे तीन वाजेच्या सुमारास हा एन्काउंटर झाला. मिळालेल्या माहितीनुसार कोर्टात आरोपपत्र दाखल केल्यानंतर चारही आरोपींना 'सीन ऑफ क्राइम' तपासण्यासाठी घटनास्थळी नेण्यात आले होते. मात्र त्यांच्यातील एका आरोपीने पोलिसाकडील शस्त्र घेऊन पळून जाण्याचा प्रयत्न केला. पोलिस अधिकाऱ्यांनी सांगितले की, आरोपी फरार होण्यात यशस्वी झाले असते तर मोठा गदारोळ झाला असता. यामुळे पोलिसांकडे दुसरा कोणताच पर्याय नव्हता. ANI ✔ @ANI # WATCH Hyderabad: Reaction of girl students when news of encounter of the accused in murder and rape of woman veterinarian broke out

मुंबई :  बहुचर्चित सिंचन घोटाळा प्रकरणात अखेर भ्रष्टाचार विरोधी मंडळ (एसीबी)ने माजी उप-मुख्यमंत्री अजित पवार यांना क्लीनचिट दिली आहे. मुंबई उच्च न्यायालयात 27 नोव्हेंबर रोजी एसीबीने शपथपत्र दाखल केले होते. यामध्ये एसीबीने स्पष्ट केले की 'व्हीआयडीसीचे चेअरमन अजित पवार यांना इतर संस्थांच्या भ्रष्टाचारासाठी जबाबदार धरले जाऊ शकत नाही. कारण, कायदेशीररित्या त्यांचा यात काहीच दोष नाही.' तत्पूर्वी 23 नोव्हेंबर रोजी देवेंद्र फडणवीस यांनी महाराष्ट्राच्या मुख्यमंत्री पदाची शपथ घेतली. तसेच त्यांना पाठिंबा देणारे अजित पवार यांना उपमुख्यमंत्री पदाची शपथ देण्यात आली. 25 नोव्हेंबर रोजी एसीबीने सिंचन घोटाळ्याची चौकशी बंद केली. परंतु, फडणवीस आणि अजित पवार यांचे सरकार टिकू शकले नाही. भाजपची सत्ता असताना मुख्यमंत्री पदावर विराजमान राहिलेले देवेंद्र फडणवीस यांनी नेहमीच सिंचन घोटाळ्यावरून अजित पवारांवर निशाणा साधला. 2014 मध्ये फडणवीस मुख्यमंत्री बनले तेव्हा त्यांनी पहिली कारवाई सिंचन घोटाळा प्रकरणात केली. एवढेच नव्हे, तर अजित पवारांच्या कथित भूमिकेच्या चौकशीचे आदेशही दिले. काँग्रेस आणि राष्ट्रवादी आ

मुंबई :  पंजाब नॅशनल बँक घोटाळा  प्रकरणातील आरोपी हिरे व्यापारी  नीरव मोदी  याला अखेर परागंदा आर्थिक गुन्हेगार म्हणून घोषित करण्यात आले. विशेष पीएमएलए न्यायालयानं आज हा निर्णय दिला.  पंजाब नॅशनल बँक घोटाळा प्रकरणात सक्तवसुली संचालनालयानं (ईडी) नीरव मोदीविरोधात विशेष पीएमएलए न्यायालयात खटला दाखल केला आहे. वारंवार समन्स बजावूनही नीरव न्यायालयीन कार्यवाहीला सामोरा जात नसल्याने त्याला नव्या कायद्यान्वये 'परागंदा आर्थिक गुन्हेगार' घोषित करावे, अशी विनंती ईडीनं अर्जाद्वारे केली होती. ईडीचा अर्ज मान्य करतानाच, न्यायालयानं नीरव मोदीला परागंदा आर्थिक गुन्हेगार म्हणून घोषित केलं. आता न्यायालयाच्या परवानगीनं ईडीद्वारे मोदीची संपत्ती जप्त करण्याची कार्यवाही सुरू करण्यात येणार आहे. १७ हजार ९०० कोटींचा घोटाळा; ५१ घोटाळेबाज पसार दरम्यान, १५ जानेवारीपर्यंत न्यायालयात हजर व्हा, अन्यथा तुम्हाला फरार म्हणून घोषित केले जाईल, असा इशारा देणारी नोटीस बुधवारी विशेष सीबीआय न्यायालयाने मुख्य आरोपी नीरव मोदी तसेच त्याचा भाऊ निशाल मोदी व निकटवर्तीय सुभाष परब यांना जारी केली होती. या तारखेपर्यंत हे तिघे न्

नवी दिल्ली :   मुख्यमंत्री  उद्धव ठाकरे  यांच्या नेतृत्वाखाली राज्यातील  महाविकास आघाडी  सरकारचा एक आठवडा पूर्ण होत असताना डझनभर आमदारांनी; तसेच राज्यसभेच्या एका विद्यमान खासदाराने भाजपला 'धक्का' देण्याची तयारी चालविली आहे. विधानसभा निवडणुकीपूर्वी काँग्रेस आणि राष्ट्रवादी काँग्रेसमधून 'मेगाभरती'अंतर्गत भाजपमध्ये दाखल झालेले आणि भाजपच्या तिकिटावर निवडून आलेले सुमारे डझनभर आमदार राष्ट्रवादी काँग्रेस, काँग्रेस आणि शिवसेनेच्या संपर्कात असल्याचा दावा राष्ट्रवादी काँग्रेस आणि शिवसेनेच्या गोटातून करण्यात आला आहे. पक्ष बदलण्याचे टायमिंग चुकलेल्या या आमदारांची राजीनामे देण्याची तयारी असून ते तिन्ही पक्षनेत्यांच्या संमतीची प्रतीक्षा करीत असल्याचे समजते. भाजपच्या या आमदारांमध्ये मराठवाड्यातील ३, पश्चिम महाराष्ट्रातील पाच आमदारांचा समावेश असून आणखी चार आमदार शिवसेनेच्या संपर्कात असल्याचे सांगण्यात आले. आमदारकीचे राजीनामे देऊन पुन्हा निवडणूक लढण्याची तयारी असलेल्या आमदारांविषयी राष्ट्रवादी काँग्रेस, शिवसेना आणि काँग्रेसच्या सर्वोच्च नेत्यांनी अद्याप कोणताही निर्णय घेतलेला नाही. ज्या

उन्नाव :  हैदराबामधील महिला डॉक्टरला बलात्कारानंतर जाळून मारल्याची घटनेला काही दिवसच लोटले असताना उन्नावमध्ये एका सामूहिक बलात्कार पीडितेला पेट्रोल टाकून जाळून ठार मारण्याचा प्रयत्न करण्यात आला. या घटनेमुळे संपूर्ण उन्नाव हादरले आहे. पीडितेला तातडीने जिल्हा रुग्णालयात दाखल करण्यात आले असून तिची प्रकृती गंभीर असल्याचे सांगण्यात येत आहे. पोलिसांनी या पीडितेला जाळून मारण्याचा प्रयत्न करणाऱ्या ६ आरोपींना ताब्यात घेतले असून त्यांची चौकशी सुरू आहे. दरम्यान, या प्रकरणी काँग्रेसच्या महासचिव प्रियांका गांधी यांनी योगी सरकारवर हल्लाबोल केला आहे . पीडिता आज (गुरुवारी) पहाटे चार वाजता रायबरेलीला जाण्यासाठी ट्रेन पकडण्यासाठी बैसवारा बिहार रेल्वे स्थानकात जात असताना ही घटना घडली. गौरा फाट्यावर गावातील हरिशंकर त्रिवेदी, किशोर शुभम, शिवम, उमेश यांनी पीडितेला घेरले आणि तिच्या डोक्यावर काठी आणि गळ्यावर चाकूने वार केले. दरम्यान, चक्कर आल्याने पीडिता खाली कोसळली. त्यानंतर या सहा जणांनी तिच्यावर पेट्रोल टाकून तिला पेटवून दिले, अशी माहिती पीडितेने दिली आहे. पीडितेवरील सामूहिक बलात्कार प्रकरणाचा तपास रायबरेल

  खार्तुम :  सुदानमध्ये सिरॅमिक फॅक्टरीमध्ये एलपीजी टँकरच्या झालेल्या भीषण स्फोटामुळे लागलेल्या आगीत २३ जणांचा मृत्यू झाला. मृतांमध्ये १८ भारतीयांचा समावेश आहे. या आगीत १३० लोक जखमी झाले असून प्रारंभिक माहितीनुसार सात भारतीयांचा जखमींमध्ये समावेश आहे. सुदानची राजधानी खार्तुमच्या बाह्य भागात असलेल्या सेला सिरॅमिक फॅक्टरीमध्ये मंगळवारी हा स्फोट झाला. अद्याप १६ भारतीय बेपत्ता असल्याचे सूत्रांनी सांगितले. भारतीय वकिलातीने या स्फोटाची माहिती दिली. आगीत जळालेल्या मृतदेहांची ओळख पटवणे कठीण असल्याचे वकिलातीने म्हटले आहे. बेपत्ता लोकांपैकी काही जणांचा मृत्यू झाला असल्याची भीती व्यक्त होत आहे. बेपत्ता भारतीय : बिहार : रामकुमार, अमित तिवारी, हरिनाथ, नितीशकुमार मिश्रा, उत्तर प्रदेश : जिशान खान, मोहित, प्रदीप वर्मा, तामिळनाडू : रामकृष्ण, राजशेखर, वेंकटचलम, राजस्थान : भजनलाल, जयदीप, हरियाणा : पवन, प्रदीप, गुजरात : बहादूर व दिल्ली : इंतजार खान. रुग्णालयातील भारतीय :  तामिळनाडू : जयकुमार, बोबलन, मोहंमद सलीम, राजस्थान : रवींदरसिंह, सुरेंदरसिंह, बिहार : नीरजकुमार व उत्तर प्रदेश : सोनू प्रसाद.

एडिनबर्ग :  ब्रिटनच्या जेसी डफ्टन स्कॉटलंडमधील “ओल्ड मॅन ऑफ हाॅय’ डोंगर चढणारा जगातील पहिला अंध गिर्यारोहक बनला आहे. जेसीने ४५० फूट उंच डोंगराची ७ तासांत चढाई पूर्ण केली. ही चढाई पूर्ण करण्यासाठी त्याला त्याची प्रियकर माॅली थॉम्प्सनने मदत केली. जेसी व थॉम्प्सन २००४ पासून सोबत गिर्यारोहण करतात. लाल मातीच्या दगडाचा हा डोंगर नॉर्थ कोस्ट परिसरात आहे. या डोंगरावर १९६६ पासून गिर्यारोहण होते. सर्वात पहिले ब्रिटनच्या दिग्गज माउंटेनियर क्रिस बोनिंगटनने चढाई केली होती. जेसी म्हणाला की, हे डोंगर संरक्षित परिसरात आहे. त्यामुळे चढाईला अडचणी येतात. ते समुद्रकिनारी असल्याने त्यात चुना आहे. मी हा डोंगर चढणारा पहिला अंध गिर्यारोहक बनू इच्छित होताे. ते मी करून दाखवले. चढाईच्या वेळी इतर गोष्टीबाबत विचार करू शकत नाही. केवळ ते म्हणजे उभी चढाई कशी करायची आणि चढाई पूर्ण कशी करता येईल, हेच डोक्यात ठेवावे लागते. जन्मताच जेसीची दिसण्याची क्षमता केवळ २० टक्के जेसीला जन्मताच दिसण्याची केवळ २० टक्के क्षमता आहे. मात्र, वाढता वयाबरोबर तीही कमी झाली. सध्या त्याला केवळ १ टक्का दिसते. जेसी म्हणतो की, “मी अधिक वस्तू ओळख